༼ག་ཅི་འབད་ཨིན་ན་སྨོ༽
གློག་བརྙན།
ཉི་ཟླ་གྲགས་པ།
གླུ་ཚིག་རྩོམ་མི། གར་སརཔ་དམ་ཆོས་བསྟན་འཛིན།།
སློབ་དཔོན་གྱི་སྟོན་སྟོནམ་ཡང་མེན། །ཕ་མ་གི་བསླབ་བྱ་ཡ་མེན། །
བུ་ཚུ་ཁྱོད་ལུ་དགའ་ནི་འདི། །ནད་གཞི་ཅིག་རང་ཨིན་ན། །
གདོན་གྱིས་དཀྲུགསཔ་ཡང་མེན་ན། །དྲག་ནི་སངས་ནི་མིན་འདུག་སྨོ། །
གཏན་གཏན་ཅིག་ཤེས་ར་མ་ཚུགས། །
སེམས་ལུ་གཡང་ཟ་ནི་དང་། །གཟུག་ལས་ཚདཔ་འཐོན་ནི་ཚུ། །
ཁྱོད་ཀྱི་བརྩ་བར་ལྷོདཔ་ད་འབདཝ་མས། །བུམོ་ཁྱོད་ལྷ་དང་འདྲ་རུང་ར།
།
ཁྱོད་ཀྱི་རྩ་བ་ལྷོདཔ་ད་ལུ། །སེམས་ལུ་འདྲོག་བྱེལ་ལང་སྟེ་འོངམ་མི། །
ག་ཅི་འབད་ཨིན་ན་སྨོ། །ག་ཅི་འབད་ཨིན་ན་སྨོ། །
མཐོང་ས་ཡོད་རུང་ལོག་ཅི་ལོག་ཅི་ར། །བལྟ་དགོ་མནོ་བའི་ན་ཟུག་ཕོགཔ་མི་འདི།
།
ག་ཅི་འབད་ཨིན་ན་སྨོ། །རྟག་བུ་གནའ་བུ་ཁྱོད་ཀྱི་ཕངས་མར། །
ཧིང་གཏམ་བཤད་དེ་སྡོད་པའི། །གོ་སྐབ་མ་འཐོབ་རུ་ར་ཁེ་མེད། །
ང་གིས་ཁྱོད་ལུ་དགའ་ཟེར། །ཁྱོད་ཀྱིས་ཧ་གོན་བཏུབ་མས། །
རོགས་གཞན་ལས་ལྷབ་ལྷབ་ཡ་མེན། །ཁ་བདེཝ་གུ་ལྕེ་བཀལཝ་ཡང་མེན། །
བུ་ཚུ་ཁྱོད་ལུ་དགའ་ནི་འདི། །ནད་གཞི་ཅིག་རང་ཨིན་ན། །
གདོན་གྱིས་དཀྲུགསཔ་ཡང་མེན་ན། །དྲག་ནི་སངས་ནི་མིན་འདུག་སྨོ། །
གཏན་གཏན་ཅིག་ཤེས་ར་མ་ཚུགས། །
ཁྱོད་ལུ་ཧིང་གཏམ་བཤད་ནི་ཚུ། །ཁྲི་དང་འབུམ་སྦེ་མནོ་འདི་གིས། །
ཁྱོད་ཀྱི་རྩ་བ་ལྷོད་འདི་འབད་རུ། །ཨ་ཙ་ར་གི་སྤོབས་བཟུམ་ཅིག །
མེད་པའི་སྟབས་ཀྱིས་ཨིན་ན་སྨོ།
།གོངམ་གྱི་སྐུ་མདུན་བཟུམ་སྦེ་འབད་མི། །
ག་ཅི་འབད་ཨིན་ན་སྨོ། །ག་ཅི་འབད་ཨིན་ན་སྨོ། །
No comments:
Post a Comment