༼བུ་ང་གླེན་གོ་བཟོ་ད་ཡི༽
གློག་བརྙན། མགརཝ་ལྕགས་དཀར་ལ།
གླུ་ཚིག་རྩམ་མི། མགར་སཔ་དམ་ཆོས་བསྟན་འཛིན།
བུ་ང་གླེན་གོ་བཟོ་ད་ཡི། །ལ་ལ་ལ་ལ། །སེམས་ལུ་ག་མནོ་མ་ཚོར། །ལུས་ཀྱིས་ག་འབད་མ་ཤེས། །
བུམོ་ཁྱོད་དང་ཕྱདཔ་ད་ལུ། །བུམོ་ང་རྩ་རྒསམོ་བཟོ་ད་ཡི། །
ཁྱོད་ཀྱིས་སྟོན་པའི་རྣམ་འགྱུར་དེ་ཚུ་གིས། །མཐོང་རེ་མཐོང་ཚེ་ཁྱོད་མས། །
དྲན་རེ་དྲན་ཚེ་ཁྱོད་མས། །བུ་ཁྱོད་དང་ཕྱདཔ་ལས་ཚུར། །
མཉམ་ཆུང་ཅན་གྱི་མི་ང་། །ཁྱོད་ལུ་ཆགས་སེམས་བསྐྱེད་པར། །
བསོད་ནམས་ཡོད་ག་མེད་ཀྱི། །ལན་ཅིག་ཚར་གཅིག་གསུང་གནང་། །
ཁྱོད་ལུ་བསྒུགས་ཏེ་མི་ཚེ་རྫོགས་མ་བཅུག །
མཐོང་ནི་ཡོད་པའི་ཁྱོད་ཀྱི་ལུས་འདི། །རྟག་བུ་ང་དང་གཅིག་ཁར་སྡོད་དེ་འབད་རུང་ར། །
མཐོང་ནི་མེད་པའི་སེམས་འདི། །དུས་རྟག་བུ་སྨན་ཆུང་ག་ཏེ། །
འཇའ་རིསམོ་ཡོད་ས་ལས་ཕར། །ཆགས་པའི་ཚིག་གསུམ་བཤད་པར་མ་སོང་། །
རྐང་མའི་འོག་གི་ས་རོག་རྡོ་རོག །ནམ་མཁའི་ཞལ་རས་མཇལ་བ་ལུ། །
འོས་འབབ་ཡོད་ག་མེད་ཀྱི། །ལན་ཅིག་ཚར་གཅིག་གསུང་གནང་། །
བུ་ང་ཐེ་ཚོམ་ནང་ལུ་ལུས་མ་བཅུག །
བུམོ་ང་རྩ་རྒསམོ་བཟོ་ད་ཡི། །ཁྱོད་ཀྱིས་སྟོན་པའི་རྣམ་འགྱུར་དེ་ཚུ་གིས། །
མཐོང་རེ་མཐོང་ཚེ་ཁྱོད་མས། །དྲན་རེ་དྲན་ཚེ་ཁྱོད་མས། །
བུ་ཁྱོད་དང་ཕྱདཔ་ལས་ཚུར། །བུ་ང་གླེན་གོ་བཟོ་ད་ཡི། །
ཁྱོད་ཀྱིས་སྟོན་པའི་རྣམ་འགྱུར་དེ་ཚུ་གིས། །སེམས་ལུ་ག་མནོ་མ་ཚོར། །
ལུས་ཀྱིས་ག་འབད་མ་ཤེས། །བུམོ་ཁྱོད་དང་ཕྱདཔ་ད་ལུ། །
No comments:
Post a Comment