Chhoe Karsel Dawa Maenru from Yoebum Yeatsho

༼ཁྱོད་དཀར་གསལ་ཟླ་བ་མེན་རུང་༽

གླུ་ཚིག་རྩོམ་མི། སློབ་བསོད་ནམས་བསྟན་འཛིན།

གློག་བརྙན། འོད་འབུམ་འོད་མཚོ།

ཁྱོད་དཀར་གསལ་ཟླ་བ་མེན་རུང་། །ཁྱོད་དགའ་འཛུམ་འཇའ་བས།།

ཁྱོད་དབྱངས་ཅན་ལྷ་མོ་མེན་རུང་། །ཁྱོད་གསུངས་སྐད་ཧན་པས།།

ཁྱོད་ལེགས་པའི་མེ་ཏོག་མེན་རུང་། །ཁྱོད་ངོ་རིས་འཇའ་བས།།

ཁྱོད་རྩ་རི་སྨྱུག་མ་མེན་རུང་། །ཁྱོད་གཟུགས་གཞི་ལེགས་པས།།

ཁྱོད་མེད་པ་ཅིན། །སེམས་ཡོད་རུང་མནོ་བསམ་གཏང་སའི་ལཱ་མིན་འདུག།

ཁྱོད་མེད་པ་ཅིན། །ཁ་ཡོད་རུང་གསང་གཏམ་སླབ་སའི་དོན་མིན་འདུག།

ཁྱོད་མེད་པ་ཅིན། །ཡི་གུ་ཡོད་རུང་ཧིང་གཏམ་བྲིས་སའི་གཞི་མིན་འདུག།

ཧིང་གཏམ་མ་ཤོར་རང་ཤོར། །དམ་ཚིག་མེ་ཏོག་རུ་རུ།།

ཧིང་གཏམ་མ་ཤོར་རང་ཤོར། །དམ་ཚིག་མེ་ཏོག་རུ་རུ།།

ལགས་སོ་ཧོ་་་་་ ལགས་སོ་ཧོ་་་་་

ལགས་སོ་ཧོ་་་་་ ལགས་སོ་ཧོ་་་་་

ཁྱོད་ལེགས་པའི་མེ་ཏོག་མེན་རུང་། །ཁྱོད་ངོ་རིས་འཇའ་བས།།

ཁྱོད་རྩ་རི་སྨྱུག་མ་མེན་རུང་། །ཁྱོད་གཟུགས་གཞི་ལེགས་པས།།

ཁྱོད་དཀར་གསལ་ཟླ་བ་མེན་རུང་། །ཁྱོད་དགའ་འཛུམ་འཇའ་བས།།

ཁྱོད་དབྱངས་ཅན་ལྷ་མོ་མེན་རུང་། །ཁྱོད་གསུངས་སྐད་ཧན་པས།།

ཁྱོད་མེད་པ་ཅིན། །ཚེ་རིང་རུང་མཉམ་ཅིག་སྡོད་པའི་གྲོགས་མིན་ནུག།

ཁྱོད་མེད་པ་ཅིན། །ལགཔ་ཡོད་རུང་ཕང་མར་བཏབ་ནིའི་མི་མིན་ནུག།

ཁྱོད་མེད་པ་ཅིན། །རྐངམ་ཡོད་རུང་མཉམ་ཅིག་འགྱོ་སའི་ས་སྒོ་མེད།།

ཧིང་གཏམ་མ་ཤོར་རང་ཤོར། །དམ་ཚིག་མེ་ཏོག་རུ་རུ།།

ཧིང་གཏམ་མ་ཤོར་རང་ཤོར། །དམ་ཚིག་མེ་ཏོག་རུ་རུ།།

ལགས་སོ་ཧོ་་་་་ ལགས་སོ་ཧོ་་་་་

ལགས་སོ་ཧོ་་་་་ ལགས་སོ་ཧོ་་་་་

ལགས་སོ་ཧོ་་་་་ ལགས་སོ་ཧོ་་་་་

Boom Shelcham from Dhuerap Chupa

༼བུམོ་ཤེལ་ལྕམ༽

རྩོམ་སྒྲིག་འབད་མི། ཀརྨ་ཕུན་ཚོགས།

གློག་བརྙན། དུས་རབས་བཅུ་པ།

བུམོ་ཤེལ་ལྕམ་སྒྲོལ་མའི་གསུང་སྐད་གོཝ་ད་ལུ། །སྟེང་ལྷ་དང་ཀླུ་ཡི་བུཚ་ཚུ་གི་སེམས་ཡང་ཨའེ་དཀྲོག་ནི་མས།།

གླིང་གེ་སར་རྒྱལ་པོའི་ཞལ་རས་མཇལཝ་ད་ལུ། །སྟེང་ལྷ་དང་ཀླུ་ཡི་བུམོ་ཚུ་གི་སེམས་ཡང་ཨའེ་དཀྲོག་ནི་མས།།

ཁྱོད་དགའ་བའི་བརྩེ་གདུང་ང་ལུ་གསོལ་རས་གནང་།།

སྭོ་་་་ལུས་འཇའ་བའི་རྨ་བྱ་བྲོ་འཁྲབ་མི་འདི། །ལུས་མཛེས་པའི་རྣམ་འགྱུར་སྟོན་མི་འདི་ཁྱོད་མེད་ན།།

ཁྱོད་ལེགས་པའི་དགའ་འཛུམ་སྟོན་གནང་མས་ངེའི་ཤེལ་ལྕམ་མ། །ང་སྤང་གཤོང་བདེ་མོར་ཨའེ་སྐྱེས་པ་ལས།།

དྲི་ཞིམ་པའི་མེ་ཏོག་སྦྲང་རྩི་འདི། །ཁྱོད་སེརཔ་སྦྱངམ་ང་ལུ་ཨའེ་འཁོར་མི་ལུ། །སེམས་སྤྲོ་བའི་ངང་ལས་བྱིན་ནི་ཨིན།།

བུམོ་ཤེལ་ལྕམ་སྒྲོལ་མའི་གསུང་སྐད་གོཝ་ད་ལུ། །སྟེང་ལྷ་དང་ཀླུ་ཡི་བུཚ་ཚུ་གི་སེམས་ཡང་ཨའེ་དཀྲོག་ནི་མས།།

གླིང་གེ་སར་རྒྱལ་པོའི་ཞལ་རས་མཇལཝ་ད་ལུ། །སྟེང་ལྷ་དང་ཀླུ་ཡི་བུམོ་ཚུ་གི་སེམས་ཡང་ཨའེ་དཀྲོག་ནི་མས།།

ཁྱོད་དགའ་བའི་བརྩེ་གདུང་ང་ལུ་གསོལ་རས་གནང་།།

སྭོ་་་ཡར་ཙན་དན་མགུ་ལུ་ཁུ་བྱུག་སྔོན་མའི། །ཨའེ་སྙན་པའི་གླུ་དབྱངས་འཐེན་མི་ཚུ་ཁྱོད་ལུ་ཕུལ།།

ཨའེ་དབྱངས་ཅན་ལྷ་མོའི་བྱིན་རླབས་ཡང་འཇུག་བཅུག་ནི་ཨིན།།

དགུང་ཁྲི་གདུགས་ཉི་མ་འདི། །འཛམ་གླིང་གི་རྒྱན་ཆ་བཟུམ། །ཁྱོད་ངེ་གི་རྒྱན་ཆ་སྦེ་བཞུགས་གནང་།།

ཕར་མཛེས་པའི་མེ་ཏོག་འདི། །ཨའེ་ཀུན་གྱི་རྒྱན་ཆ་བཟུམ། །ཁྱོད་ངེ་གི་རྒྱན་ཆ་སྦེ་བཞུགས་གནང་།།

དགུང་ཁྲི་གདུགས་ཉི་མ་འདི། །འཛམ་གླིང་གི་རྒྱན་ཆ་བཟུམ། །ཁྱོད་ངེ་གི་རྒྱན་ཆ་སྦེ་བཞུགས་གནང་།།

Kezangla (Remix)

༼སྐལ་བཟང་ལ༽

སྐལ་བཟང་ལ་སྐལ་བཟང་ཡ་ལ་ཆོས་ལ་འགྲོ། །སྐལ་བཟང་ལ་སྐལ་བཟང་ཡ་ལ་ཆོས་ལ་འགྲོ།།

སྐལ་བཟང་ལ་སྐལ་བཟང་ཡ་ལ་ཆོས་ལ་འགྲོ། །གདན་ས་ལ་གསུམ་པ་མི་ཆགས་གསུམ་པ་ཆགས།།

གདན་ས་ལ་གསུམ་པ་སྤུངས་ཐང་བདེ་ཆེན་ཆགས། །གདན་ས་ལ་གསུམ་པ་སྤུངས་ཐང་བདེ་ཆེན་ཆགས།།

དགོན་པའི་ལ་མཚན་ཡང་སྤུངས་ཐང་བདེ་ཆེན་ཟེར། །བླ་མའི་ལ་མཚན་ཡང་ངག་དབང་རྣམ་རྒྱལ་ཞུ།།

བླ་མའི་ལ་མཚན་ཡང་ངག་དབང་རྣམ་རྒྱལ་ཞུ།།

བུ་མོ་ང་དང་སྤང་སྟོད་ལ་ཤ་བ་འདྲ་ལ། །ཤ་བ་དུང་རྭ་ལས་ཀྱིས་ལ་འཁོར་བ་འདྲ་ལ།།

ཤ་བ་དུང་རྭ་ལས་ཀྱིས་ལ་འཁོར་བ་འདྲ་ལ། །ལྷ་ཆོས་བྱེད་པ་རང་ལ་ལ་གནད་དགོས་མེད་ལ།།

ཉེ་གནས་དེ་འདྲ་མ་གསུངས་ལ་མཇལ་ཁ་ཐོངས། །ཉེ་གནས་དེ་འདྲ་མ་གསུངས་ལ་མཇལ་ཁ་ཐོངས།།

ཁ་བ་ཆགས་ཆགས་གངས་ལུ་ཆགས། །གངས་མེད་ན་ཁ་བ་ཆགས་ས་མེད།།

གངས་མེད་ན་ཁ་བ་ཆགས་ས་མེད། །བྱ་ཁུ་བྱུག་ཆགས་ཆགས་ཤིང་ལུ་ཆགས།།

ཤིང་མེད་ན་ཁུ་བྱུག་ཆགས་ས་མེད། །ཤིང་མེད་ན་ཁུ་བྱུག་ཆགས་ས་མེད།།

ཤ་བ་འཁྱམས་འཁྱམས་སྤང་ལུ་འཁྱམ། །སྤང་མེད་ན་ཤ་བ་འཁྱམ་ས་མེད།།

སྤང་མེད་ན་ཤ་བ་འཁྱམ་ས་མེད།།

ལྷོ་མོན་ལ་ལྷོ་མོན་གསེར་གྱི་རི་ལ། །ལྷོ་མོན་ལ་ལྷོ་མོན་གསེར་གྱི་རི་ལ།།

བསོད་ན་ལ་ལྟ་བང་མཛོད། །བང་མཛོད་ལ་མེ་ཏོག་རེ་རེ་འཁྲུངས།།

ལྕང་ཐང་གླིང་ལྟ་གླིང་ལ། །གླིང་སེ་མ་ལ་རུ་རུ།།

གླིང་སེ་ལ་མེ་ཏོག་རེ་རེ་འཁྲུངས། །ལྕང་ཐང་གླིང་ལྟ་གླིང་ལ།།

གླིང་སེ་མ་ལ་རུ་རུ། །གླིང་སེ་ལ་མེ་ཏོག་རེ་རེ་འཁྲུངས།།

Chum Tsang Chhu Jungsai Kaa Gu Lay

༼ཆུམོ་གཙང་ཆུ་འབྱུང་སའི་རྐ་མགུ་ལས༽

  

ཆུམོ་གཙང་ཆུ་འབྱུང་སའི་རྐ་མགུ་ལས།  །ཤིང་མི་སྐྱེ་མནོ་བ་ལ་ཤིང་ཅིག་སྐྱེས།།

བྱ་མི་འཁོར་མནོ་བ་ལ་བྱ་ཅིག་འཁོར།   །རང་ཤིང་དང་བྱི་ཅུང་གཉིས་ཀུ་སྨོ།།

རང་སྔོན་ཐོག་ཕྱད་པའི་ལ་བསྒང་ལས་རང་།    །ཨའེ་མི་འབྲལ་གཏམ་གྱི་ལ་ཁ་ཚིག་ཡོད།།

རང་རླུང་མ་གཡོ་སྒྱུ་གང་ཚེ་སྨོ།  །ཨའེ་མ་བྲལ་བྱ་ཐབས་ལ་མིན་འདུག་ལོ།།

ཡར་རྩེ་མོ་རླུང་གིས་དཀྲོགས་ཏེ་གིས།   །ཨའེ་བྱི་ཅུང་བོད་ཁམས་ལ་སྐོར་དོ་ལོ།།

མར་རྩ་བ་ཆུ་གིས་འཁྱིལ་ཏེ་གིས། །རྩཝ་ཡལ་འདབ་རྒྱ་ཡུལ་ལ་སྐོར་དོ་ལོ།

རྩེམོ་བྱི་ཅུང་བོད་ཁམས་བསྐོར་ཏེ་ལོག  །རྩཝ་ཡལ་འདབ་རྒྱ་ཡུལ་ལ་བསྐོར་ཏེ་ལོག།

རང་ཤིང་དང་བྱི་ཅུང་གཉིས་ཀུ་སྨོ། །ཚེ་ལན་གཅིག་འཛོམས་པའི་ལ་སྨོན་ལམ་འདི།།

ཡར་ལྷ་ཤིང་རྩེ་མོར་ལ་གཏབ་གེ་སྨོ།།

Sem Nyotsong from Tsip Chhelo

༼སེམས་ཉོ་བཙོང་༽

གླུ་ཚིག་རྩོམ་མི། ཤར་ཀུ་ཀུ།

གློག་བརྙན།   རྩིསཔ་འཆོལ་ལོ།

སྭོ་་་ཡ་ ས་འཛམ་གླིང་མིའི་ཚོང་འདུས་ལུ། །ཨའེ་སེམས་དང་སེམས་ཀྱི་ཚོང་རེ་རྐྱབ།།

རང་གནམ་བསྐོས་མ་རྩ་ལང་སྦེ་མནོ། །ཚོང་ཉོ་བཙོང་ཁྱོད་དང་ཐབས་ཅིག་ང་།།

ཁྱོད་ཁེ་སང་གཞན་ལུ་སྤྲོད་མ་ད།།

སྭོ་་་ཡ་ དབང་ཆེན་དཔོན་གྱིས་དམག་བཏང་རུང་། །བླམ་རྟོགས་ལྡན་ཅན་གྱིས་མཐུ་རྐྱབ་རུང་།།

དམ་ཚིག་གི་སེམས་ཀྱི་སྒྲོམ་ཅུང་འདི། །བུ་གཞན་ལུ་ལྡེ་མིག་ཕྱི་མ་བཅུག།

ཁྱོད་ཟ་མའི་རྒྱན་ཆ་དམ་ཚིག་ཨིན།།

སྭོ་་་ཡ་ ངེའི་ལུས་དང་སེམས་ཀྱི་ལྷ་ཁང་ནང་། །དད་ཅན་གྱི་གནས་སྐོརཔ་ཁྱོད་འཁོར་ཚེ།།

བརྟན་བྱིན་རླབས་ཅན་གི་ནང་བརྟན་ཡང་། །ང་མཇལ་ཁ་མ་བཏང་ཐབས་མིན་འདུག།

ཁྱོད་བྱིན་རླབས་གཞན་ལས་ཞུ་མ་ད།།

ནམ་སོ་ཁ་ཚད་པའི་སྤང་ཐང་ནང་། །ཁམ་ཤིང་དང་གླ་མ་མེ་ཏོག་ཤར།།

གངས་ཁཝ་ཡང་ཆུ་ལུ་སྒྱུར་བའི་ཚེ།།
སྭོ་་་ཡ་ ང་སྡོད་ས་མ་ཆགས་ཁྱོད་མཐོངམ་ད། །སེམས་མཐུན་པའི་སྲུང་ཅིག་བཏང་གེ་ཤོག།

སྭོ་་་ཡ་ ས་འཛམ་གླིང་མིའི་ཚོང་འདུས་ལུ། །ཨའེ་སེམས་དང་སེམས་ཀྱི་ཚོང་རེ་རྐྱབ།།

ཐ་དམ་ཚིག་ཁྲོམ་བཤལ་རྐྱབ་མ་ད། །ངེའི་ཚེ་གཅིག་ཚོང་དཔོན་ཁྱོད་འབད་གནང་།།

Mayo Mayo from Yoebum Yeatsho

༼མ་གཡོ་མ་གཡོ༽

གླུ་ཚིག་རྩོམ་མི། ཚེ་ཅིག་དབང་འདུས།

གློག་བརྙན། འོད་འབུམ་འོད་མཚོ།

མ་གཡོ་མ་གཡོ། །ཁྱོད་ཀྱི་སེམས་འདི་གཞན་ཁར་མ་གཡོ།།

མ་གཡོ་མ་གཡོ། །དགའ་བའི་སེམས་འདི་གཞན་ཁར་མ་གཡོ།།

ངེ་གི་ཧིང་ཁར་བབས་པའི་བུ་ཁྱོད། །སེམས་གཞན་ལུ་མ་གཡོ།།

ཁྱོད་ཀྱི་ངོ་རིས་ཚར་རེ་མཐོངམ་ད། །ཧིང་གཏམ་ཚིག་གི་བང་མཛོད་འབད་རུང་།།

ཁྱོད་ལུ་སླབ་པའི་ཚིག་ཅིག་རྩ་ལས་མ་ཐོབ་སྨོ། །ཁྱོད་ཀྱི་གསུང་སྐད་ཚར་རེ་གོཝ་ད།།

འཛམ་གླིང་ཞབས་ཁྲ་གང་སྟེ་འབད་རུང་། །ག་ཅི་འཐེན་ནི་ཨིན་ན་རྩ་ལས་མ་ཤེས་ང་།།

དབའེ་བུ་མོ་དབའེ་བུ་མོ། །སེམས་ལུ་ཐེ་ཚོམ་ཆགས་དོ།།

དབའེ་བུ་མོ་དབའེ་བུ་མོ། །བློ་ལུ་དོགས་པ་ཟ་དོ།།

ཁྱོད་དང་འབྲེལ་བ་སྔོན་ལས་ཡོདཔ་བཟུམ་སྦེ། །མཐོང་ལོང་མེད་པར་དགའ་བའི་སེམས་ཅིག་ཤོར།།

སེམས་ཀྱི་སྦུག་ལས་ཡིད་ཡང་ཁྱོད་ལུ་ཆགས། །ཆགས་པའི་བུ་ཚུ་འདེ་མི་ལེགས་མི་ལེགས།།

ལེགས་པའི་ཙན་དན་སྡོང་པོ། །རླུང་འཕུར་ས་བུམོ་ཁྱོད་མ་གཡོ།།

ཨའེ་གསེར་གྱི་ཀ་ཆེན་བཟུམ་སྦེ། །ངེའི་སེམས་ལུ་འགྱུར་བ་མེད་སྨེ།།

དབའེ་བུ་མོ་དབའེ་བུ་མོ། །ཁྱོད་སེམས་གཞན་ཁར་མ་གཡོ།།

དབའེ་སྟག་ཤར་དབའེ་སྟག་ཤར། །ངེ་གི་སེམས་འདི་མ་དཀྲོགས་མེན་ན།།

Chi Maen Nyi Ya Maen from Super Star

༼གཅིག་མེན་གཉིས་ཡང་མེན༽

གླུ་ཚིག་རྩོམ་མི། སློབ་བསོད་ནམས་བསྟན་འཛིན།

གློག་བརྙན། སུ་པར་ཨིས་ཊར།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས། །

ཁྱོད་ཀྱི་ལེགས་པའི་ངོ་རིས་བལྟ་སྟེ་གི །ཁྱོད་ལུ་དགའ་བའི་བརྩེ་བ་བརྒྱ་གཅིག་ཡོད།།

མ་ཤི་ཚུན་ཚོད་ཁྱོད་ཀྱི་བུ་ཁྱོད་ཀྱི། །ཁྱོད་ཀྱི་དོན་ལུ་མནོ་བསམ་བཏང་དོ་ཧོ།།

བུམོ་ང་ཧ།།

མ་ཤི་ཚུན་ཚོད་ཁྱོད་ཀྱི་བུ་ཁྱོད་ཀྱི། །ཁྱོད་ཀྱི་དོན་ལུ་མནོ་བསམ་བཏང་དོ་ཧོ།།

སེམས་ལྷོད་ས་ལུས་མ་ལྷོད། །ལུས་སྡོད་ས་སེམས་མ་ཆགས།།

ཁྱོད་ཀྱི་ཧིང་གཏམ་བཤདཔ་ད། །ཨའེ་བལྟ་སྟེ་ཆགས་པའི་བློ་སེམས་སྟོང་གཅིག་ཡོད།།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས།།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས།།

ས་ག་སྟེ་འགྱོ་རུང་ར། །ཁྱོད་དྲན་ཏེ་བགས་མ་ཆགས།།

ཁྱོད་ཀྱི་བརྩེ་བ་བསྐྱེད་ཐངས་ཨའེ་བལྟ་སྟེ། །ཕངས་པའི་ཕངས་སེམས་ཁྲི་གཅིག་ཡོད།།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས།།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས།།

ཁྱོད་ཀྱི་བསམ་པ་བཟང་པོ་བལྟ་སྟེ་གི །འགྱུར་ནི་མེད་པའི་དམ་བཅའ་འབུམ་གཅིག་ཡོད།།

ཁྱོད་ཀྱི་དགའ་བའི་དགའ་འཛུམས་ཨའེ་ལྟ་སྟེ། །དྲན་པའི་སེམས་འདི་ས་ཡ་གཅིག་ཡོད།།

བུམོ་ང་ཧ།།

ཁྱོད་ཀྱི་དགའ་བའི་དགའ་འཛུམ་ཨའེ་ལྟ་སྟེ། །དྲན་པའི་སེམས་འདི་ས་ཡ་གཅིག་ཡོད།།

གཉིད་ལོག་རུང་གཉིད་ལམ་ཁྱོད། །ལམ་འགྱོ་རུང་སེམས་ཁར་ཁྱོད།།

མ་ཤི་ཚུན་ཚོད་ཁྱོད་ཀྱི་བུ་ཁྱོད་ཀྱི། །ཁྱོད་ཀྱི་དོན་ལུ་མནོ་བསམ་བཏང་དོ་ཧོ།།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས།།

གཅིག་མེན་གཉིས་ཡང་མེན་ཁྱོད་ལུ་དགའ་བའི་སེམས།།

Tsho Gyen from Dunghey Parigam

༼ཚོགས་རྒྱན༽

ཚིག་རྩམ་མི། ཕྲིན་ལས་དབང་ཕྱུག།

གློག་བརྙན། དོན་ཧིང་སྤར་རི་གངམ།།

ང་དགའ་བའི་ཚོགས་རྒྱན་ཕུད་རྡོག་གཅིགཔ་འདི། །བུམོ་ཁྱོད་ལུ་བཙུགས་ཚར་ཡི་སྨོ།།

ཁྱོད་ལུ་དགའ་བའི་སེམས་འདི་ཚོགས་རྒྱན་དང་འདྲ། །ཁྱོད་དགའ་བའི་ཚོགས་རྒྱན་ང་ལུ་བཙུགས་པ་ཅིན།།

ང་ཁྱོད་ཀྱི་འདེམས་ངོ་རང་ཨིན། །བློ་གཏད་ཅན་གི་འདེམས་ངོ་བུམོ་ང་ར་ཨིན།།

ཁྱོད་ཀྱི་སེམས་ལུ་ཁས་བླངས་གསལ་བསྒྲགས་ག་ཅི་ཡོད་ག་ང་ལུ་སླབ་གནང་མས།།

ཁྱོད་མནོ་བའི་སེམས་ལས་ཕྲང་སྟེ་སླབ་གནང་མས།།

དོན་ཧིང་སྤར་རི་གངམ་གི་ནང་ལས་སྤར་ར་བཅམ་སྟེ་ཁྱོད་ལུ་བཙུགས་ཚར་ཡི།།

ང་དགའ་བའི་ཚོགས་རྒྱན་འཕྲོ་བརླག་གཏང་མ་ད།།

ང་ཚེ་གཅིག་ལུས་གཅིག་ར་ཁྱོད་དང་ཆ་འདི་སྡོད་ནི་ཨིན།།

བུ་མོ་ངེ་གི་ཁས་བླངས་གསལ་བསྒྲགས་ཨིན།།

ཨརཝ་བརྐུ་བའི་མི་ལུ་ལྷ་ཆགས་ཏེ། །ཁྱོད་སེམས་འདི་བརྐུ་ཚར་ཡི་སྨོ།།

ལྷ་ཆགས་པའི་མི་ལུ་བཅོ་ཐབས་ར་མེད། །སེམས་གསལ་དྲགས་ཡོད་པའི་བུམོ་གླེན་གོམ་ང་།།

སྟེང་ལྷ་ཡི་ཁྱུ་མཆོག་གི་སེམས། །མིག་ཏོ་འཁྱབ་ནི་མེད་པ་ལྟདམོ་བལྟ་སྡོདཔ་མས།།

ཁ་ལས་ཁ་ཆུ་མ་ཐོན་ཐབས་ཁྱོད་ལུ་མེད།།

ཀརྨ་གླིང་ལུ་གཡང་པའི་བལ་ལུ་འཁལ་བའི་འཁལ་ལུགས་ཁྱོད་ཀྱི་ཤེས་ག་སྨོ།།

ཁྱོད་མཁས་པའི་བུ་མོ་ལན་གཅིག་སླབ་གནང་མས།།

གཡང་པའི་བལ་ལུ་འཐག་པའི་འཐག་ལུགས་བཙེམས་པའི་བརྩེམས་ལུགས་ཁྱོད་ཀྱི་ཤེས་ག་སྨོ།།

རྒྱུ་བལ་གྱི་བཟང་གོ་གྱོན་ནི་མནོ་བསམ་ཡོད།།

ཁྱོད་གྱོན་པའི་གྱོན་ལུགས་ཤེས་བལ་གྱི་བཟང་གོ་འཐག་བྱིན་གེ།

སྟག་ཤར་དམངས་ལས་ཁྱོད་ར་ལེགསཔ་བཟོ་གེ།

Zomba Lhasey Roo Roo from Yoebum Yeatsho

༼འཛོམས་པ་ལ་སེ་རུ་རུ༽

གློག་བརྙན། འོད་འབུམ་འོད་མཚོ།

གླུ་ཚིག་རྩོམ་མི། སློབ་བསོད་ནམས་བསྟན་འཛིན།

འཛོམས་པ་ལྷ་སེ་རུ་རུ་མི་ཚེའི་ནང་། །འཛོམས་པ་ལྷ་སེ་རུ་རུ།།

དབའེ་དབའེ་ཆ་རོགས་ཚུ། །འཛོམས་པ་ལ་སེ་རུ་རུ་མི་ཚེའི་ནང་།།

འཛོམས་པ་ལྷ་སེ་རུ་རུ་མི་ཚེའི་ནང་། །འཛོམས་པ་ལྷ་སེ་རུ་རུ།།

དཔྱད་རིག་མེད་པར་ད་རིས་ཕྱདཔ་ད་ལུ། །དོན་དག་མེད་པའི་བློ་ཚུ་མ་སླབ་པར།།

འཕྲལ་ཕུགས་གཉིས་ལུ་ཕན་པའི་བཤད་ཐོ་ཅིག །ཉམས་དགའ་བའི་ཞོར་ཁར་ལོ་རྒྱུས་བཤད་པ་ཅིན།།

ང་བསམ་རྫོགསཔ་ཟེར་རུང་འདི་ཨིན། །འགྱོནི་འགྱོ་ལོང་མེད་པར།།

སྡོདན་སྡོད་ལོང་མེད་པར། །འཇིག་རྟེན་འཁོར་བའི་ལཱ་ཚུ།།

བརྟག་དཔྱད་མེད་པར་འབད་དེ། །མི་ཚེ་མགུ་དཀརཔོ་ཐལ་རུང་།།

སེམས་ཀྱིས་མ་ཚོར་བས། །མི་ཚེ་མགུ་དཀརཔོ་ཐལ་རུང་།།

སེམས་ཀྱིས་མ་ཚོར་བས།།

འཁོར་ལོ་མེད་པའི་སྣུམ་འཁོར་གཅིག །ཝའུ་ཅར་མེད་པའི་འགྲུལ་འཕྲིན་གཉིས།།

དམ་ཆོས་མེད་པའི་མི་ཚེ་གསུམ། །ཨའེ་དོན་དག་མིན་འདུག་སྨོ།།

གཞན་སེམས་མེད་པའི་མི་གིས་གཅིག །སྙིང་རྗེ་མེད་པའི་མི་གིས་གཉིས།།

ངོ་ཚ་མེད་པའི་མི་གིས་གསུམ། །ཨའེ་མི་ཚེ་སྟོང་ལོག་མས།།

ཨའེ་མི་ཚེ་སྟོང་ལོག་མས།།

ལཱ་ཅིག་མ་འབདན། །གྲུབ་འབྲས་མི་འཐོན་པས།།

ཀུན་ལུ་ཕན་པའི་འཆར་གཞི་བརྩམས་པ་ཅིན། །རང་གཞན་གཉིས་ལུ་ཕན་པ་འོང་ནི་མས།།

ཡར་མི་དབང་མཆོག་ཡང་ཐུགས་དགྱེས་ནི་མས། །རང་བསམ་པའི་དོན་འགྲུབ་ནི་མས།།

འགྱོ་རུང་རྐང་ཅུང་རུ་རུ། །སྡོད་རུང་པུས་ཅུང་རུ་རུ།།

སེམས་དང་མནོ་བསམ་མཐུན་ཏེ། །གཞུང་ལུ་ཕྱག་ཕྱིད་ཞུ་གེ།

མ་འོངས་ན་གཞོན་ཚུ་ལུ། །དཔེ་གཅིག་སྟོན་གེ།

མ་འོངས་ན་གཞོན་ཚུ་ལུ། །དཔེ་གཅིག་སྟོན་གེ།

དྲིན་ལན་མེད་པའི་བུ་གཞི་གཅིག །དམ་ཚིག་མེད་པའི་གཉེན་གྲོགས་གཉིས།།

བསླབ་བྱ་མེད་པའི་ཕ་མ་གསུམ། །ཨའེ་ཡོད་རུང་སྟོང་ལོག་མས།།

མཆོད་པ་མེད་པའི་རྒྱུ་ནོར་གཅིག །ཕན་ཐོགས་མེད་པའི་ཅ་ལ་གཉིས།།

བྱིན་རླབས་མེད་པའི་སྲུང་སྐུད་གསུམ། །ཨའེ་ཡོད་རུང་བར་སྟོར་མས།།

ཨའེ་ཡོད་རུང་བར་སྟོར་མས། །འཛོམས་པ་ལ་སེ་རུ་རུ་མི་ཚེའི་ནང་།།

འཛོམས་པ་ལྷ་སེ་རུ་རུ། །དབའེ་དབའེ་ཆ་རོགས་ཚུ།།

Lugar Thramo from Yoebum Yeatsho

༼གླུ་གར་ཁྲ་མོ༽

གློག་བརྙན། འོད་འབུམ་འོད་མཚོ།

གླུ་ཚིག་རྩོམ་མི། དྲུག་ཚོ་ཤེས་རབ་རྡོ་རྗེ།

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་སྭོ་་་

ཧིང་གཏམ་གྱི་ཁུ་ཆ་འབག་སྟེ་གིས། །དམ་ཚིག་གི་རྟོག་མ་བཙུགས་ཏེ་གིས།།

དགའ་འཛུམ་གྱི་རྒྱན་ཆ་བཏགས་ཏེ་གིས། །བརྩེ་གདུང་གི་ཧུ་ཤུད་བགྱངས་ཏེ་གིས།།

གཡུ་བཟང་རྩ་རིའི་གནས་ལུ། །ཁྱོད་གཟུགས་རྩ་རི་སྨྱུག་མའི།།

ཕྱག་དབང་ཅིག་བཅར་བར་ཨིན།།

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་སྭོ་་་

དམ་ཚིག་སྒར་པའི་ལ་ཕྱག་དབང་། །ཡིད་འཕྲོག་ཁྱོད་ལུ་ལ་བཅར་ནི།།

ངོ་འཛུམ་བུ་མོའི་ལ་ཕྱག་དབང་། །ནོར་བཟང་ཁྱོད་ལུ་ལ་བཅར་ནི།།

དགའ་བའི་ཕྱག་དབང་ལ་བཅར་ཤོག །བརྩེ་བའི་ཕྱག་དབང་ལ་བཅར་ཤོག།

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་སྭོ་་་

དགའ་བ་གིས་གཡས་ལས་བསྒོར་ཏེ་གིས། །བརྩེ་བ་གིས་གཡོན་ལས་བསྒོར་ཏེ་གིས།།

ལང་འཚོ་གི་མེ་ཏོག་ཤར་ཏེ་གིས། །དག་སྣང་གི་ཕྱག་མཇལ་འབག་སྟེ་གིས།།

ཁྲོམ་ཆེན་ལྡུམ་ར་ཁྲ་མོར། །ཁྱོད་གཟུགས་པད་མའི་སྡོང་པོའི།།

ཕྱག་དབང་ཅིག་བཅར་བར་ཨིན། །ཕྱག་དབང་ཅིག་བཅར་བར་ཨིན།།

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་

གླུ་གར་ཁྲ་མོ་ལ་་་སྭོ་་་

Tendrel Phuensum from Sipa Bardo

༼རྟེན་འབྲེལ་ཕུན་སུམ༽

གློག་བརྙན། སྲིད་པ་བར་དོ།

གླུ་ཚིག་རྩོམ་མི། དྲུག་ཚོ་ཤེས་རབ་རྡོ་རྗེ།

ཡར་ལ་གནམ་ལ་ཉི་ཟླ་བཟང་ལ་སྭོ། །མར་ལ་ས་གཞི་ཕུན་སུམ་ཚོགས་ལ་སྭོ།།

བྱང་སེམས་སྤྲུལ་པའི་རྒྱལ་པོ། །གསེར་གྱི་ཁྲི་ལ་བཞུགས་ལ་རུ་རུ།།

མཛད་བྱ་བཟང་བའི་ཨ་ཞེ། །དངུལ་གྱི་ཁྲི་ལ་བཞུགས་ལ་རུ་རུ།།

དགའ་ལ་དགའ་བའི་པད་སྐོར་གཡས་ལས་སྒྱིར། །སྐྱིད་ལ་སྐྱིད་པའི་མཉེན་རྒྱ་གཡོན་ལས་སྒྱུར།།

ཡར་ལ་གནམ་ལ་ཉི་ཟླ་བཟང་ལ་སྭོ། །མར་ལ་ས་གཞི་ཕུན་སུམ་ཚོགས་ལ་སྭོ།།

ཁྱོད་གཟུགས་དཀར་ཡོལ་དཀར་བཟང་གུར་ཡ་ལ། །རི་མོ་བྲིས་བཞག་གེ།།

རི་མོ་ཡལ་ས་མིན་འདུག་ལ། །དམ་ཚིག་གཙང་མའི་རྟེན་འབྲེལ་རུ་རུ།།

གཤིན་རྗེ་རྒྱལ་པོའི་བཀའ་ཡོད་རུང་། །བུམོ་ང་མི་འགྱོ་ལ།།

གླིང་གི་རྒྱལ་པོའི་ཕྱག་ཞུ་ནི། །དད་དམ་གཙང་མའི་རྟེན་འབྲེལ་རུ་རུ།།

ཡར་ལ་གནམ་ལ་ཉི་ཟླ་བཟང་ལ་སྭོ། །མར་ལ་ས་གཞི་ཕུན་སུམ་ཚོགས་ལ་སྭོ།།

ཁྱོད་གཟུགས་གསེར་གྱི་ཀོ་མ་གུར་ཡ་ལ། །གཡུ་ཆུང་བརྡབ་གེ་ལ།།

གཡུ་ཆུང་བུད་ས་མིན་འདུག་ལ། །ལས་འཕྲོ་འཛོམས་པའི་རྟེན་འབྲེལ་རུ་རུ།།

ཚེ་དང་སྲོག་ལུ་ཐུག་རུང་ར་ཡ་ལ། །བློ་སེམས་འགྱུར་ས་མེད།།

ལས་འཕྲོ་བུ་མོའི་ཕྱག་ཞུ་ནི། །རྣམ་བསྐོས་འཛོམས་པའི་རྟེན་འབྲེལ་རུ་རུ།།

Semgi Khangzang from Sipa Bardo

༼སེམས་ཀྱི་ཁང་བཟང་༽

གློག་བརྙན། སྲིད་པ་བར་དོ།

གླུ་ཚིག་རྩོམ་མི། སློབ་རྟ་མགྲིན་དང་ཡེ་ཤེས།

སེམས་ཀྱི་ཁང་བཟང་ནང་ལུ། །དམ་ཚིག་བཞུགས་གདན་ཐིང་ཡོད།།

བརྩེ་གདུང་འགྱུར་མེད་སྒོ་ལས། །མི་ཚེ་དགའ་ཉམས་སྐྱོང་ཤོག།

དམ་ཚིག་ལྡུམ་ར་ནང་ལུ། །བུང་བ་ལེ་ཤ་འཁོར་འོང་།།

ཚེ་གང་སྦྲང་རྩི་འཇིབ་མི། །གཅིག་ལས་མ་གཏོགས་གཞན་མི་འོང་།།

འཛམ་བུ་གླིང་ལ་གང་ཡང་ཡོད་། །སེར་པོ་གསེར་གྱི་བང་མཛོད་ཡོད།།

སེར་པོ་གསེར་གྱི་བང་མཛོད་ཡོད། །སེར་པོ་གསེར་གྱི་བང་མཛོད་ཡོད།།

ལྡེ་མིག་ཨ་མའི་ཕྱག་ལུ་ཡོད། །ལྡེ་མིག་ཨ་མའི་ཕྱག་ལས་ཞུ།།

ཕུལ་ས་བླ་མའི་ཕྱག་ལུ་ཨིན། །ཕུལ་ས་བླ་མའི་ཕྱག་ལུ་ཨིན།།

ཚེ་སྔོན་ལས་འཕྲོ་ཡོད་པའི། །དགའ་བའི་གཉེན་གྲོགས་གཉིས་ཀུ།།

དམ་ཚིག་འགྱུར་བ་མེད་པར། །མི་ཚེ་དགའ་ཉམས་སྐྱོང་གེ།།

དམ་ཚིག་ལྗོན་ཤིང་གུ་ལུ། །ལྷ་བྱ་ལེ་ཤ་འཁོར་འོང་།།

ཚེ་གང་བརྩེ་སེམས་སྐྱེད་མི། །གཅིག་ལས་མ་གཏོགས་གཞན་མི་འོང་།།

འཛམ་བུ་གླིང་ལ་གང་ཡང་ཡོད་། །སྔོན་པོ་གཡུ་ཡི་བང་མཛོད་ཡོད།།

སྔོན་པོ་གཡུ་ཡི་བང་མཛོད་ཡོད། །སྔོན་པོ་གཡུ་ཡི་བང་མཛོད་ཡོད།།

ལྡེ་མིག་ཨ་མའི་ཕྱག་ལུ་ཡོད། །ལྡེ་མིག་ཨ་མའི་ཕྱག་ལས་ཞུ།།

ཕུལ་ས་བླ་མའི་ཕྱག་ལུ་ཨིན། །ཕུལ་ས་བླ་མའི་ཕྱག་ལུ་ཨིན།།

Namkoe Namkoe from Mitshey Sum Gi Drog

༼གནམ་བསྐོས་གནམ་བསྐོས།༽

གློག་བརྙན། མི་ཚེ་གསུམ་གྱི་གྲོགས།

གླུ་ཚིག་རྩོམ་མི། སློབ་བསོད་ནམས་བསྟན་འཛིན།

གནམ་བསྐོས་གནམ་བསྐོས་ཟེར་མི་འདི། །བུམོ་རང་གིས་རྩ་ལས་ཧ་མ་གོ།

བུམོ་རང་གི་རྩ་ལས་ཧ་མ་གོ །ལས་གནམ་བསྐོས་དགའ་བའི་སེམས་འདི་འབདན།།

སེམས་ཅིག་ཁར་མཐུན་རུང་སྡོད་དབང་མེད། །ལས་གནམ་བསྐོས་ཐ་དང་དམ་ཚིག་འབདན།།

ལོག་ཕྱད་རུང་གཉེན་གྲོགས་འགྱུར་མ་ཚུགས། །ལོག་ཕྱད་རུང་གཉེན་གྲོགས་འགྱུར་མ་ཚུགས།།

ལས་གནམ་བསྐོས་སྦོ་ལོག་ཨིན་ཟེར་ན། །ཨཡེ་གདོང་བསྐོར་ཕྱད་རུང་སྡོད་མ་ཚུགས།།

ལས་གནམ་བསྐོས་ས་ཐག་རྒྱང་ལུ་འབདན། །གཉེན་རང་གི་རྩ་བར་ཕྱད་ནི་འདུག།

གཉེན་རང་གི་རྩ་བར་ཕྱད་ནི་འདུག །ལས་གནམ་བསྐོས་སྔ་མའི་སྨོན་ལམ་འབདན།།

སྔོན་སྨོན་ལམ་བཏབ་རུང་འཛོམས་མ་ཚུགས། །ལས་གནམ་བསྐོས་བསམ་པའི་རེ་བ་འབདན།།

ལོག་ཕྱད་རུང་སོ་སོར་འགྱོ་དགོ་པས། །ལོག་ཕྱད་རུང་སོ་སོར་འགྱོ་དགོ་པས།།

གནམ་བསྐོས་གནམ་བསྐོས་ཟེར་མི་འདི། །བུམོ་རང་གིས་རྩ་ལས་ཧ་མ་གོ།

Sipa Bardo Title Song

༼སྲིད་པ་བར་དོ༽

གློག་བརྙན། སྲིད་པ་བར་དོ།

གླུ་ཚིག་རྩོམ་མི། ཡེ་ཤེས་རྡོ་རྗེ་དང་ཤར་ཀུ་ཀུ།

ཁྱོད་ལེགས་པའི་དགའ་འཛུམ་མཐོང་ནི་ཡོདན། །ང་བར་དོ་འཁྱམས་ཏེ་སྡོད་དགོཔ་མེད། །

ཁྱོད་རྟག་བུ་ང་དང་སྡོད་ནི་ཡོདན། །ངེའི་དགའ་འཛུམ་ཁྱོད་ཀྱི་དོན་ལུ་ཨིན། །

ངེའི་ཞེན་ཆགས་སེམས་ཀྱི་རྒྱུ་ནོར་འདི། །དགའཝ་སྙིང་མཐུན་ཁྱོད་དང་ལུས་སོཔ་ལས། །

ཉམ་ཐག་རུང་སྲིད་པ་བར་དོ་ནང་། །ཁྱོད་མཐོངམ་ལས་ང་ལུ་ཞིང་ཁམས་མས། །

ལུས་མེད་པའི་སེམས་འདི་བལ་ལས་ཡང་། །ང་བལ་ལས་ཡང་པའི་སེམས་ཅིག་འབག །

སེམས་མི་ཡུལ་ལུང་པ་ཁྱོད་ལུ་བསྒུགས། །སེམས་འཁྲུལ་བའི་མིག་ཆུ་ཁྲག་ལུ་གྱུར། །

ཁྱོད་རྟག་བུ་ཕང་མར་བཏབ་ནི་ཡོདན། །ང་འཁོར་བའི་ཞེན་ཆགས་བསྐྱེད་དགོཔ་མེད། །

ཁྱོད་སླབ་པའི་ཧིང་གཏམ་ཉན་ནི་ཡོདན། །སེམས་ཆགས་པའི་རྒྱུ་ནོར་ང་མི་དགོ །

དགུང་ཁྲི་གདུགས་ཤར་ལས་མ་ཤརཝ་ལས། །ཁྱོད་ཞལ་གྱི་དཀྱིལ་འཁོར་སེམས་ལུ་ཤར། །

ང་བར་དོ་འཁྱམ་སའི་གཡུས་ཁ་ལུ། །ཁྱོད་ང་དང་སྡོད་ནི་ཡོད་རུང་དགའ། །

གཏམ་རླུང་གིས་འབག་ས་མ་མཐོང་རུང་། །ཁྱོད་སླབ་པའི་ཧིང་གཏམ་ཧན་མི་ཧན། །

ཉམ་ཐག་རུང་སྲིད་པ་བར་དོ་ནང་། །ཁྱོད་མཐོངམ་ལས་ང་ལུ་ཞིང་ཁམས་མས། །