Nge Nyendro from the film Athang Tenzin Pem

 

ངེའི་གཉེན་གྲོགས།

གློག་བརྙན ཨ་ཐང་བསྟན་འཛིན་པདྨོ།།

གླུ་ཚིག་རྩམ་མི། བཀྲིས་དོན་གྲུབ། (Magic)

 

ངེའི་གཉེན་གྲོགས་མ་མཐོང་ཡུན་རིང་སོང་རུང་ཨོ་ཡ། །ལས་མ་རྫོགས་སེམས་ཁར་ལྷང་ལྷང་ར་དྲན། །

འཇིག་རྟེན་འཁྲུལ་བའི་ན་ཟུག་མྱོང་མི་འདི་ཨའེ། །ཚེ་རབས་སྔ་མའི་ལས་ར་ཨིན་བསམ། །

ཁྱོད་སྨན་ཆུང་བུ་མོའི་གསུང་སྐད། །ལྷང་ལྷང་དྲན་ས་ཡང་ཡང་དྲན། །

ཨོ་ཡ་བུ་མོ་དམ་ཚིག་ཅན་གྱི་གཉེན་གྲོགས། །ཁྱོད་ར་བསམ་སྟེ་སྡོད་ཡོད། །

ལོག་སྟེ་ཡང་ཡང་འཛོམས་པ་དགའ་སོང་ཨོ་ཡ། །

 

ཁྱོད་གཉེར་པའི་དཔལ་འབྱོར་བློ་སེམས་མ་འཁྲུལ། །བསྟན་འཛིན་པདྨོ་དམ་ཚིག་མ་ཤོར། །

ཚེ་གཅིག་ཕངས་མར་བཏབ་གེ་ཤོག་ཅིག་ཨོ་ཡ། །བུ་ངེའི་མུན་པའི་སྡུག་བསྔལ་སེལ་མི། །

རང་སེམས་ཧིང་གི་ནོར་བུ་ཟེར་རུང་། །ངེའི་སྟག་ཤར་གཞོནམ་ངེའི་སྟག་ཤར་གཞོནམ། །

ངེའི་ཡིད་འཕྲོག་མ་ངེའི་ཡིད་འཕྲོག་མ། །

 

ཁྱོད་གཉེན་གྲོགས་ཐག་རིང་རྒྱང་ལས་བྱོན་ནུག་ཨོ་ཡ། །རང་སྨན་ཆུང་དམ་ཚིག་མ་ཤོར་ཨོ་ཡ། །

བུ་མོ་ལོག་པའི་ཁ་ཚིག་བཞག་ར་མ་ཚུགས། །བཟོད་པ་བཞེས་གནང་ངེ་གི་གཉེན་གྲོགས། །

འཕྲལ་ལོག་སྟེ་འཛོམ་པའི་དགའ་སྤྲོ་སྟོན་གེ་ཤོག་ཅིག །ཚུར་ར་ཤོག་ཨོ་ཡ། །

བར་རྐྱེན་བྱུང་མི་མནོ་བསམ་བཏང་ན། །འཁྲུལ་བ་རང་བཞིན་ཨིན་པས། །

མིག་ལས་མིག་ཆུ་མ་ཤོར་ཕངས་མས་ཨོ་ཡ། །

 

ཁྱོད་གཉེར་པའི་དཔལ་འབྱོར་བློ་སེམས་མ་འཁྲུལ། །བསྟན་འཛིན་པདྨོ་དམ་ཚིག་མ་ཤོར། །

ཚེ་གཅིག་ཕངས་མར་བཏབ་གེ་ཤོག་ཅིག་ཨོ་ཡ། །བུ་ངེའི་མུན་པའི་སྡུག་བསྔལ་སེལ་མི། །

རང་སེམས་ཧིང་གི་ནོར་བུ་ཟེར་རུང་། །ངེའི་སྟག་ཤར་གཞོནམ་ངེའི་སྟག་ཤར་གཞོནམ། །

ངེའི་སྟག་ཤར་གཞོནམ་ཨོ་ཡ། །

Dhue Pho Chi from Athang Tenzin Pem

 དུས་ཕོག་གཅིག།

གློག་བརྙན ཨ་ཐང་བསྟན་འཛིན་པདྨོ།།

 གླུ་གཞས་དང་ཚིག་རྩམ་མི། བཀྲིས་དོན་གྲུབ། (Magic)

དུས་ཕོག་གཅིག་གི་བཞེས་སྒོ་ཡང་། །ཁྱོད་ཀྱིས་འབད་ཚེ་ཞིམ་མི་ཞིམ། །

སེམས་དགའ་བའི་མི་གི་ལག་པ་ལས། །ཟས་ག་ཅི་ཟ་རུང་བྲོཝ་ཆེ་བས། །

ཚེ་ལན་ཐེངས་གཅིག་གི་གཉེན་གྲོགས་སྦེ། །དགའཝ་གདོང་སྐོར་རྐྱབ་པའི་རེ་བ་ཨིན། །

 

བསིལ་ཟེར་ཅན་གྱི་རྒྱུ་སྐར་རྒྱལ་པོ། །ནམ་མཁའི་རྒྱན་ཆ་ཁྱོད་ཀྱི་ཞལ་རས་མེན་ན། །

མདངས་བཀྲག་ཆེ་ར་ཆེ་བས། །ཁྱོད་དང་ང་སྦེ་མི་ཚེ་འགོ་བཙུགས་གེ། །

ལེགས་པའི་གྲོགས་ཀྱི་དཔེ་ཅིག་སྟོན་ད་གེ། །ཁྱོད་དང་ང་སྦེ་དགའ་སྤྲོ་སྟོན་ད་གེ། །

དམ་ཚིག་དར་གྱི་མདུད་ཕུད་བཏབ་བཞག་གེ། །

 

ཁ་ལས་འཐོན་པའི་ཧིང་གཏམ་དང་། །གདོང་ལུ་འབག་པའི་དགའ་འཛུམ་གཉིས། །

ཕམ་བཟང་པོའི་རིགས་ལས་མཆེད་པའི་བུ། །དུས་ད་རེས་ཕྱད་ཚེ་དགའ་མི་དགའ། །

སེམས་སྨིན་དྲུག་རྒྱལ་མོར་སྤྲུལ་ཞིནམ་ལས། །ཁྱོད་ག་འགྱོ་བལྟ་སྟེ་སྡོད་ནི་ཨིན། །

 

ཕ་མའི་རེ་བ་ཁྱོད་རའི་བསམ་དོན། །བསྒྲུབ་པའི་ཁ་ཚིག་ད་རེས་ང་གིས་བཞག་ནི། །

འགྱུར་བ་མེད་པར་སྡོད་གནང་། །ཁྱོད་དང་ང་སྦེ་མི་ཚེ་འགོ་བཙུགས་གེ། །

ལེགས་པའི་གྲོགས་ཀྱི་དཔེ་ཅིག་སྟོན་ད་གེ། །ཁྱོད་དང་ང་སྦེ་དགའ་སྤྲོ་སྟོན་ད་གེ། །

དམ་ཚིག་དར་གྱི་མདུད་ཕུད་བཏབ་བཞག་གེ། །

Sem Namtog from the film Hung

༼སེམས་རྣམ་རྟོག།༽

 

སེམས་རྣམ་རྟོག་མེད་པའི་ལས་གནམ་བསྐོས་ཅིག་ག་ལས་འོངམ། །ཡར་དཀོན་མཆོག་གསུམ་གྱིས་ང་ལུ་གནང་གནངམ་མེན་ན་སྨོ། །

ཨའེ་དཔྱད་རིག་མེད་པའི་སྔོན་ལས་འཕྲོ་ཅིག་ག་ལས་ཤརཝ། །ཡར་ལྷ་དང་བླམ་གིས་དངོས་གྲུབ་གནང་གནངམ་མེན་ན་སྨོ། །

ཁྱོད་ཀྱི་དོན་ལས་ལྷ་ལས་དམག་འོངས་རུང་། །རྒྱབ་བཤུད་མི་རྐྱབ་དམག་དཔོན་ང་འབད་ནི། །

གསེར་གྱི་ནང་གསུག་བྱིན་རུང་བྱིན། །བུམོ་ཁྱོད་གཞན་དང་ང་མི་གཏང་། །

རྒྱུ་ནོར་རི་འདེ་སྤུངས་བྱིན་རུང་། །བུམོ་ཁྱོད་གཞན་དང་ང་མི་གཏང་། །

སེམས་རྣམ་རྟོག་མེད་པའི་ལས་གནམ་བསྐོས་ཅིག་ག་ལས་འོངམ། །ཡར་དཀོན་མཆོག་གསུམ་གྱིས་ང་ལུ་གནང་གནངམ་མེན་ན་སྨོ། །

 

ཚེ་སྔོན་མའི་བག་ཆགས་ཨའེ་བཟང་པོ་ཅིག་ཤར་དོ་བཟུམ། །ངེའི་སེམས་ཁར་འཕྲལ་འཕྲལ་བག་ཆགས་སེམས་ལུ་འཁོརཝ་མས་ས། །

ཚེ་ད་རེས་མཐུནམ་པའི་ཨའེ་གཉེན་གྲོགས་ཅིག་འོང་དོ་བཟུམ། །ངེའི་སེམས་ཁར་སྐབས་སྐབས་སྣང་བ་སེམས་ལུ་ཤརཝ་མས་ས། །

ཁྱོད་ལུ་གནོད་པའི་དགྲ་དང་བར་ཆད་ལས། །སྲུང་སྐྱོབ་འབད་དེ་གིས་བསྒུགས་བཞག་ནི་ཨིན། །

མཁས་པ་འབུམ་གྱིས་མགུ་སྐོར་རུང་། །ཁྱོད་ཀྱི་དོན་ལུ་སེམས་མི་འགྱུར། །

སྟག་ཤར་སྟོང་གིས་འཛུམ་སྟོན་རུང་། །ངེའི་སེམས་སྤུ་ཙམ་འགྱུར་བ་མེད། །

 

གླུ་གཞས་རྩམ་མི། སློབ་བསོད་ནམས་བསྟན་འཛིན།། 

Mee Thri Thra Bumthra from the film Hung

 

༼མི་ཁྲི་ཕྲག་འབུམ་ཕྲག།༽

 

མི་ཁྲི་ཕྲག་འབུམ་ཕྲག་ལས་ཁྱོད་ལེགས་པས་ས། །ང་གདམ་ཁ་ཁྱོད་ལས་གཞན་མི་རྐྱབ། །

མི་བརྒྱ་འཛོམས་སྟོང་འཛོམས་ལས་ཁྱོད་འཇའ་བས་ས། །ང་གདམ་ཁ་ཁྱོད་ལས་གཞན་མི་རྐྱབ། །

 

ཁྱོད་ཞལ་གྱི་དཀྱིལ་འཁོར་ཨའེ་སྐུ་རྟེན་གསུང་རྟེན་བཟུམ། །ང་ཡང་ཡང་བལྟ་དགོ་ཨའེ་མནོ་བའི་ན་ཟུག་ཡོད། །

ལྷའི་དཔག་བསམ་ཤིང་ཆེན་ཡར་ལྷ་ལུ་དགོ་ལོ། །ངེའི་ནོར་བུ་བསམ་འཕེལ་མར་ཀླུ་ལུ་དགོ་ལོ། །

བུམོ་ཡིད་འཕྲོག་ལྷ་མོ་བུ་ང་ར་དགོ་ནི། །བུ་ལེགས་པའི་གེ་སར་བུམོ་ང་ར་དགོ་ནི། །

 

གསུང་སྙན་པའི་ཧིང་གཏམ་ཨའེ་ཁྱོད་ཡང་ཉན་དོ་བཟུམ། །ང་ཡང་ཡང་ཉན་དགོ་ཨའེ་མནོ་བའི་ཞེན་ཆགས་ཡོད། །

གངས་སེང་ཆེན་དཀར་མོ་ཡར་གངས་ལུ་དགོ་ནི་ལོ། །བྱ་ལེགས་པའི་རྨ་བྱ་མར་རྒྱ་ལུ་དགོ་ལོ། །

བུམོ་ཡིད་འཕྲོག་ལྷ་མོ་བུ་ང་ར་དགོ་ནི། །བུ་ལེགས་པའི་གེ་སར་བུམོ་ང་ར་དགོ་ནི། །

 

མི་ཁྲི་ཕྲག་འབུམ་ཕྲག་ལས་ཁྱོད་ལེགས་པས་ས། །ང་གདམ་ཁ་ཁྱོད་ལས་གཞན་མི་རྐྱབ། །

མི་བརྒྱ་འཛོམས་སྟོང་འཛོམས་ལས་ཁྱོད་འཇའ་བས་ས། །ང་གདམ་ཁ་ཁྱོད་ལས་གཞན་མི་རྐྱབ། །

Bullon from the film Hung

 

༼བུ་ལོན༽

 

ང་ཁྱོད་ལུ་དགའ་བའི་ཉེས་ཁྲིམས་འདི། །ཡ་ཁྲིམས་ཆེན་འབད་རུང་ཕྱག་ཞུ་ནི། །

ང་ཁྱོད་ལུ་དགའ་བའི་བུ་ལོན་འདི། །ས་འཛམ་གླིང་འབད་རུང་བཏབ་ད་ནི། །

བྱིན་ཆེ་བའི་ཡི་གུ་ཧཱུྃ་འདི་ལས། །ང་དངོས་གྲུབ་ཐོབ་ཡང་མེན་ན་སྨོ། །

ང་དགའ་ས་དགའ་ས་སྨོ། །ང་དགའ་བའི་འཛུམ་གྱི་ཞལ། །

ང་ཆགས་ས་ཆགས་ས་སྨོ། །ཁྱོད་ལེགས་པའི་ཧིང་ཁ་ལུ། །

ཧོ་ཧོ་བུམོ་ཁྱོད་དང་སྡོད་ནི་ཡོདན། །བདེ་བ་གཞན་ཅིག་མ་མཐོང་། །

 

ཁྱོད་ཀྱི་མནོ་བསམ་བཏང་རུང་ར། །སེམས་ལུ་དགའ་བ་འབྱུངམ་མས། །

ཁྱོད་དང་དངོས་སུ་སྡོད་ནི་ཡོདན། །བདེ་བ་ཐེ་ཚོམ་མིན་འདུག །

ངེའི་སྙིང་མཐུན་ངེའི་སྙིང་མཐུན་མ། །ངེའི་སྙིང་མཐུན་ངེའི་ཡིད་འོང་མ། །

 

ཁྱོད་ཀྱི་པར་ཅིག་མཐོང་རུང་ར། །སེམས་ལུ་དགའ་བ་འབྱུངམ་མས། །

ཁྱོད་ཀྱི་ཧིང་གཏམ་གོ་ནི་ཡོདན། །བདེ་བ་ཐེ་ཚོམ་མིན་འདུག །

ང་ཁྱོད་ལུ་དགའ་བའི་བུ་ལོན་འདི། །ས་འཛམ་གླིང་འབད་རུང་བཏབ་ད་ནི། །

བྱིན་ཆེ་བའི་ཡི་གུ་ཧཱུྃ་འདི་ལས། །ང་དངོས་གྲུབ་ཐོབ་ཡང་མེན་ན་སྨོ། །

ང་དགའ་ས་དགའ་ས་སྨོ། །ང་དགའ་བའི་འཛུམ་གྱི་ཞལ། །

ང་ཆགས་ས་ཆགས་ས་སྨོ། །ཁྱོད་ལེགས་པའི་ཧིང་ཁ་ལུ། །

ང་དགའ་ས་དགའ་ས་སྨོ། །ང་དགའ་བའི་འཛུམ་གྱི་ཞལ། །

ང་ཆགས་ས་ཆགས་ས་སྨོ། །ཁྱོད་ལེགས་པའི་ཧིང་ཁ་ལུ། །

ཧོ་ཧོ་བུ་ཁྱོད་དང་སྡོད་ནི་ཡོདན། །བདེ་བ་གཞན་ཅིག་མ་ཐོང་། །

 

གླུ་ཚིག་བརྩམ་མི། སློབ་བསོད་ནམས་བསྟན་འཛིན།

Reprise songs of 1990s

 ༼སྤྱི་ལོ་ ༡༩༩༠ ལོའི་གླུ་གཞས་སྣ་ཚོགས།༽

 

ངེའི་གཉིད་ལམ་ནང་གི་སྨན་ཆུང་བུ་མོ་ཁྱོད། །ཁྱོད་གཉིད་ལམ་ནང་ལུ་མཐོང་ཚེ་འཇའ་བས་སྨོ། །

ཁྱོད་དངོས་སུ་ང་དང་ཕྱདཔ་ད་ཁ་མ་སླབ། །ད་དེ་སྦེ་མ་འབད་མེན་ན་ང་ལུ་དབའེ། །

ང་ལུ་ཨ་ཙི་བལྟ་གནང་སྨེ། །ང་ལུ་ཚར་གཅིག་དགའ་གནང་སྨེ། །

ལགཔ་ཅིག་ཨིན་རུང་བཤེད་འདི་གིས། །ཕངམ་ཅིག་ཨིན་རུང་བཏབ་གནང་སྨེ། །

 

ལྡུམ་ར་མཛེས་པའི་མེ་ཏོག་ཁ་དོག་ལེགས་མི་ལེགས། །ལེགས་པའི་མེ་ཏོག་གསེར་སྦྱང་ང་ལུ་ཁམས་མ་བཙོང་། །

དུས་ནམ་ཅིག་མེ་ཏོག་ཁྱོད་སེརཝ་གིས་བཅོམ་ད་ལུ། །དུས་ནམ་ཅིག་མེ་ཏོག་ཁྱོད་སེརཝ་གིས་བཅོམ་ད་ལུ། །

སེར་སྦྱངམ་ང་གིས་མེ་ཏོག་ཁྱོད་ལུ་ཆ་རོགས་འབད་བར་མི་ལྷོད་སྨེ། །

 

སེམས་ཆགས་ཆགས་བུམོ་ལེགས་པའི་བཟང་མོ་ཁྱོད། །ལེགས་པའི་བཟང་མོ་ཁྱོད། །

ཆུ་བསིལ་ཤོག་བསིལ་ཤོག་གངས་ཀྱི་ཆུ། །བསིལ་རུང་འཐུང་ནིའི་དབང་ལུ་མ་བསྐོས་པས། །

ཆུ་བསིལ་བ་གངས་ཀྱི་གཞན་ལུ་མས། །རང་འཁྱམ་ས་གཡུས་བཟང་ཁྲམོ་ལུ་མས། །

སེམས་ཆགས་ཆགས་བུམོ་ཡིད་འོང་མ། །

 

ས་ཐིམ་ཕུག་ཁྲོམ་ལུ་མི་འཛོམ་སའི་སྦུག་ལུ། །ང་འཁྱམས་ཏེ་སྡོད་མི་འདི། །

ངེའི་སེམས་ཁར་ཡོད་པའི་བུམོ། །མ་མཐོང་པར་སྤྱང་འཁྱམ་དོ་སྨོ། །

ཨའེ་སྨོ་ཁྱོད་ག་ཏེ་ཡོད་རུང་ར། །དུས་རྟག་བུ་འཛོམ་སར་འོང་གནང་སྨེ། །

ཁྱོད་ངེ་གི་མིག་གིས་མ་མཐོང་རུང་། །ཁྱོད་དྲན་པའི་གླུ་གཞས་གསན་ཚུགསཔ་འོང་། །

 

Sorry Sorry I am Sorry སྐུ་ཆེ་གསུང་ཆེ་ I am Sorry

Sorry Sorry I am Sorry སྐུ་ཆེ་གསུང་ཆེ་ I am Sorry

བུ་ངེའི་ལཱ་འདི་འཛོལ་ར་འཛོལ་སོང་ནུག།

གོངམ་མ་ཁྲེལ་ཁོ་ཐག་མ་ཆད། །བུ་ང་མཉམ་ཁ་སླབ་གནང་སྨེ། །

ངེ་གི་རྒྱུ་ནོར་ཟེར་རུང་། །ངེ་གི་ལོངས་སྤྱོད་ཟེར་རུང་། །

བུ་མོ་ཁྱོད་ར་ཨིན། །

Sorry Sorry I am Sorry

སྐུ་ཆེ་གསུང་ཆེ་ I am Sorry

བུ་ངེའི་ལཱ་འདི་འཛོལ་ར་འཛོལ་སོང་ནུག།

Ri Na Tshel Lay

 ༼རི་ནགས་ཚལ་ལས༽

ཚིག་དང་གདངས་བརྩམས་མི་ དྲུང་འཚོ་ཤེས་རབ་རྡོ་རྗེ།

 

ང་རི་ནགས་ཚལ་ལས་ཨུ་ཅིག་རྐྱབ་པ་ཅིན། །ཁྱོད་སེར་ཤོག་སྤང་ལས་ཨུ་ལན་འཇལ་འོང་ག །

ང་ལ་རྩའི་གུ་ལས་དར་ལྕོག་གཡུག་པ་ཅིན། །ཁྱོད་གཡུས་ལས་འཛུམ་གདོང་ཤིག་ཤི་འབད་འོང་ག།

 

ཤིང་ལྷ་ཤིང་ཙན་དན་རླུང་གིས་གཡབ་རུང་། །ང་ཁྱོད་ཀྱིས་ཤོག་ཟེར་འབོཔ་འདྲས་མནོ་སྟེ། །

ངེའི་དགའ་བའི་སེམས་ཀྱི་གོམ་པ་སྤོ་འགྱོ་དོ། །ཡིད་ཁར་འོང་བའི་ཁྱོད་ཀྱི་གཟུགས། །

བལྟ་བའི་མིག་གིས་མ་མཐོང་རུང་། །ཡང་ཅིན་ལག་པར་མ་བཟུན་རུང་། །

ངེའི་མནོ་བའི་དོན་ཧིང་སྦུག་ལུ་ལྷང་ལྷང་མས། །

 

ང་ནཱ་ལས་ཁྱོད་ལུ་ཟུར་མིག་བལྟ་བ་ཅིན། །ཁྱོད་ཕར་ལས་རྣམ་འགྱུར་ཤིག་ཤི་འབད་འོང་ག །

ཁྱོད་ཕར་ལས་རྣམ་འགྱུར་ཤིག་ཤི་འབད་འོང་ག །ང་ཁྱོད་ལུ་དགའ་བའི་སྲུང་ཅིག་བཏང་པ་ཅིན། །

ཁྱོད་ང་ལུ་བརྩེ་བའི་སྲུང་ལན་འཇལ་འོང་ག །

 

གསུང་ཧན་པའི་སྒྲ་སྙན་དཀྲོགས་སར་གོ་རུང་། །ཁྱོད་ང་ལུ་ཧིང་གཏམ་བཤདཔ་འདྲས་མནོ་སྟེ། །

སེམས་དགའ་བའི་གཏམ་དང་ལོ་རྒྱུས་ཤོར་མྱོང་དོ། །བུམོ་ཁྱོད་བཞུགས་པའི་ས་ཁར་ལུ། །

ལ་དང་ལུང་གིས་བཅད་རུང་རང་། །ཆུ་ཆེན་ཟམ་པ་བརྒལ་ཏེ་གིས། །

སེམས་དགའ་བའི་ཧིང་གཏམ་བཤད་པར་འོང་དོ་མས། །

Saen Nang Mey

 ༼གསན་གནང་མས༽

 གསན་གནང་མས། རང་ཧིང་ལས་དགའ་བའི་བུ།

ང་ཁྱོད་དྲན་པའི་གླུ་གཞས་ཨིན་སྨ་རེ། ང་ཁྱོད་ར་དྲན་དོ་སྨོ།

གཏན་རྐྱང་གཉིད་ལམ་ནང་། ཁྱོད་ལོག་སྟེ་འོང་སར་མཐོང་།

འདི་འབདཝ་ད་ལུ་བུ་ཁྱོད་ཀྱིས་ཡར་སོ་ཡི་སྨོ། ངེ་སེམས་ཤིཝ་མས་ཁྱོད་དྲནམ་ད།

ང་ཁྱོད་ལུ་རང་དགའ། དགའ་བའི་དུས་ཚོད་ཡལ་ཏེ་ཡར་སོ་ཡི་སྨོ།

སེམས་གཉིས་མཐུན་པའི་དགའ་སྤྲོ་ཡལ་སོ་ཡི་སྨོ། ས་ཐག་རིང་སར་གཞན་དང་གཅིག་ཁར་ཡར་སོ་ཡི།

ངེའི་སེམས་ཁ་ལུ་བུ་ཁྱོད་རང་དྲན་ཏེ་ཡོད། བུ་ཁྱོད་ཚར་རེ་དྲན་ཚེ་འཁྲུལ་སྣང་ལང་།

ངེའི་སེམས་ཤིཝ་མས་ཁྱོད་དྲནམ་ད། I’m still loving you

དགའ་བའི་དུས་ཚོད་ཡལ་ཏེ་ཡར་སོ་ཡི་སྨོ། སེམས་གཉིས་མཐུན་པའི་དགའ་སྤྲོ་ཡལ་སོ་ཡི་སྨོ།

ས་ཐག་རིང་སར་གཞན་དང་གཅིག་ཁར་ཡར་སོ་ཡི། ངེའི་སེམས་ཁ་ལུ་བུ་ཁྱོད་རང་དྲན་ཏེ་ཡོད།

བུ་ཁྱོད་ཚར་རེ་དྲན་ཚེ་འཁྲུལ་སྣང་ལང་། ངེའི་སེམས་ཤིཝ་མས་ཁྱོད་དྲནམ་ད། ང་ཁྱོད་ལུ་རང་དགའ།

 

གསན་གནང་མས། རང་ཧིང་ལས་དགའ་བའི་བུ། ང་ཁྱོད་དྲན་པའི་གླུ་གཞས་ཨིན་སྨ་རེ།

ང་ཁྱོད་ར་དྲན་དོ་སྨོ། གཏན་རྐྱང་གཉིད་ལམ་ནང་། ཁྱོད་ལོག་སྟེ་འོང་སར་མཐོང་།

འདི་འབདཝ་ད་ལུ་བུ་ཁྱོད་ཀྱིས་ཡར་སོ་ཡི་སྨོ། ངེ་སེམས་ཤིཝ་མས་ཁྱོད་དྲནམ་ད།

I’m still loving you

Hingten Hingten

 ༼ཧིང་གཏད་ཧིང་གཏད༽

ཧིང་གཏད་ཧིང་གཏད་ང་དགའ་བའི་ཧིང་གཏད། །ས་འཇིག་རྟེན་འདི་ནང་ཁྱོད་གཅིག་ལས་མིན་འདུག །

ང་ཁྱོད་ལུ་དགའ་བའི་ཧིང་གཏམ་སླབ། །ཁྱོད་ང་ལུ་ལན་གཅིག་སླབ་མ་བཏུབ། །

ཁྱོད་མནོ་བསམ་བཏང་སྟེ་སྡོད་མ་ད། །ངེའི་སེམས་ཀྱིས་བུམོ་ཁྱོད་བཞག་མ་ཚུགས། །

 

ཧིང་གཏད་ཧིང་གཏད་ང་དགའ་བའི་ཧིང་གཏད། །ས་འཇིག་རྟེན་འདི་ནང་ཁྱོད་གཅིག་ལས་མིན་འདུག །

ང་ཁྱོད་ལུ་དགའ་ནི་དགའ་བས་སྦ། །འདི་འབདཝ་ད་ཁྱོད་ལུ་སླབ་མ་ཚུགས། །

ང་མནོ་བསམ་མ་གཏང་ཐབས་མིན་འདུག །བུ་ཁྱོད་ཀྱིས་བརྟན་བརྟན་སྡོད་འོང་ག །

 

ང་ཁྱོད་ལུ་དགའ་བའི་ཧིང་གཏམ་སླབ། །ཁྱོད་ང་ལུ་དགོད་བྲོ་མ་བཟོ་སྨེ། །

འཕྲལ་དགའ་བའི་ཨ་རོགས་དགའ་རོགས་མེན། །མཇུག་ཕན་པའི་གཉེན་གྲོགས་ཨིན་སྨ་རེ། །

ཧིང་གཏད་ཧིང་གཏད་ང་དགའ་བའི་ཧིང་གཏད། །ས་འཇིག་རྟེན་འདི་ནང་ཁྱོད་གཅིག་ལས་མིན་འདུག །

ཁྱོད་ང་ལུ་ཧིང་གཏམ་སླབ་པ་ཅིན། །ང་ཁྱོད་ལུ་དགོད་བྲོ་མི་བཟོ་སྨེ། །

ད་བརྟན་བརྟན་གཉེན་གྲོགས་ཁྱོད་ར་ཨིན། །མཇུག་ཁྱོད་ཀྱིས་བུམོ་ང་བཀོ་མ་ད། །

 

ང་ཁྱོད་ལུ་ཧིང་གཏམ་སླབ་མི་འདི། །བུམོ་ཁྱོད་ཀྱི་སེམས་ཀྱི་དོན་ཧིང་གུར། །

རྡོ་གུ་ལུ་རི་མོ་འབྲི་དོ་བཟུམ། །བུམོ་ཁྱོད་ཀྱིས་ཧིང་ལས་བརྗེད་མ་སོང་། །

ཧིང་གཏད་ཧིང་གཏད་ང་དགའ་བའི་ཧིང་གཏད། །ས་འཇིག་རྟེན་འདི་ནང་ཁྱོད་གཅིག་ལས་མིན་འདུག །

Gola Shargo Ja Dhang Nubgo Tong

 ༼སྒོ་ལ་ཤར་སྒོ་བརྒྱ་དང་ནུབ་སྒོ་སྟོང་༽

 སྒོ་ལ་ཤར་སྒོ་བརྒྱ་དང་ནུབ་སྒོ་སྟོང་། །བུ་མོ་སྐལ་བཟང་ཆོས་སྒྲོན་ཆོས་ལ་འགྲོ། །

བུ་མོ་གཟིམ་ཅུང་སྒོ་ལས་མཐོན་པའི་སྒང་། །ཚོས་གཅིག་བཅོ་ལྔའི་ཟླ་བ་ལ་ལས་ཚེས། །

རྟག་དང་རྟེན་འབྲེལ་ཨིན་ཟེར་སྒྲིག་ཆེད་ནུག །ལས་དང་སྨོན་ལམ་ཨིན་ཟེར་འཛོམས་ཆེད་ནུག །

ཕུ་ལ་ཡར་ཡར་བྲག་གི་སྐྱེད་པ་ལུ། །བླ་མ་ཡོན་ཏན་རྒྱ་མཚོ་ཆོས་གནང་དོ། །

ལག་བཅུ་ཕྱག་རྒྱ་ཆེན་མོ་ཐལ་མོ་སྦྱར། །སྤུས་མོ་ཤ་ཞེན་རབ་བཅུ་ས་ལུ་བཙུགས། །

བུ་མོའི་ལུས་ངག་ཡིག་གསུམ་བླམ་ལུ་ཕུལ། །བུ་མོ་དགོ་པའི་ཆོས་ཅིག་བླམ་ལས་ཞུ། །

Lo Ngo Rey Rey from Bardoi Namshey

༼ ལོ་ངོ་རེ་རེ ༽

གློག་བརྙན། བར་དོའི་རྣམ་ཤེས།

མེ་ཏོག་རེ་རེ་ཤརཝ་ད་ལུ། །གསེར་སྦྱང་རེ་རེ་དགའཝ་མས་སྨོ། །

ངེ་གི་གནམ་བསྐོས་ཁྱོད་མེན་ན། །ཁྱོད་ཀྱི་ལས་འཕྲོ་ང་མེན་ན། །

ཧིང་གཏམ་རེ་རེ་བཤདཔ་ད་ལུ། །ཚོར་བ་རེ་རེ་བྱུངམ་མས་སྨོ། །

ངེ་གི་གནམ་བསྐོས་ཁྱོད་མེན་ན། །ཁྱོད་ཀྱི་ལས་འཕྲོ་ང་མེན་ན། །

མི་ཚེ་རེ་རེ་རྫོགསཔ་ད་ལུ། །བག་ཆགས་རེ་རེ་ལུསཔ་མས་སྨོ། །

བརྩེ་བ་རེ་རེ་སྐྱེདཔ་ད་ལུ། །དགའ་བ་རེ་རེ་བྱུངམ་མས་སྨོ། །

ངེ་གི་གནམ་བསྐོས་ཁྱོད་མེན་ན། །

ཕང་མར་རེ་རེ་བཏབ་ད་ལུ། །བདེ་བ་རེ་རེ་བྱུངམ་མས་སྨོ། །

དགའ་འཛུམ་རེ་རེ་སྟོནམ་ད་ལུ། །ཆགས་པ་རེ་རེ་འཕྱེལཝ་མས་སྨོ། །

ཆགས་པ་རེ་རེ་འཕྱེལཝ་མས་སྨོ། །

རྣམ་འགྱུར་རེ་རེ་སྟོནམ་ད་ལུ། །བསམ་དོན་རེ་རེ་འཆརཝ་མས་སྨོ། །

ངེ་གི་གནམ་བསྐོས་ཁྱོད་མེན་ན། །ཁྱོད་ཀྱིས་ལས་འཕྲོ་ང་མེན་ན། །

ལོ་ངོ་རེ་རེ་རྫོགསཔ་ད་ལུ། །དུས་སྟོན་རེ་རེ་བརྩི་གེ་སྨོ། །

ངེ་གི་གནམ་བསྐོས་ཁྱོད་མེན་ན། །ཁྱོད་ཀྱིས་ལས་འཕྲོ་ང་མེན་ན། །

Cheyri Tangmey from Chador the super child

༼དཔྱད་རིག་གཏངམ་མས༽

གློག་བརྙན། ཕྱག་རྡོར་The Super Child

གླུ་ཚིག་རྩོམ་མི། སློབ་བསོད་ནམས་བསྟན་འཛིན།

དཔྱད་རིག་ཅིག་གཏང་སྟེ་བལྟཝ་ད། །ཁྱོད་བཟུམ་ཅིག་ཧེ་མ་མཐོང་མ་མྱོང་པས། །

ངེའི་སྦོ་ལོགས་སྦོ་ལོགས་ངེའི་རྩ་བར་རྩ་བར། །ངེའི་སེམས་ལས་ཐག་རིང་སར་ཡར་མ་སོང་། །

ཡར་གནམ་ཁའི་ས་སྨུག་ཡལཝ་མས། །མར་མེ་ཏོག་པདྨ་སྐམ་མས། །

ས་འཛམ་གླིང་ག་ར་གྱུར་རུང་། །

ངེའི་སེམས་འདི་ཨའེ་འགྱུར་ནི་ཨའེ་མེད་པའི་ཁས་བླངས་དམ་བཅའ་ཁྱོད་ལུ་ཡོད། །

དཔྱད་རིག་ཅིག་གཏང་སྟེ་བལྟཝ་ད། །

གནམ་དུས་བཞི་འགྱུར་ཏེ་འགྱོཝ་མས། །ཡར་དཀར་གསལ་གྲིབ་སྟེ་འགྱོཝ་མས། །

མི་ག་ར་བློ་སེམས་འགྱུར་རུང་། །

ངེའི་སེམས་འདི་ཨའེ་འགྱུར་ནི་ཨའེ་མེད་པའི་ཁས་བླངས་དམ་བཅའ་ཁྱོད་ལུ་ཡོད། །

དཔྱད་རིག་ཅིག་གཏང་སྟེ་བལྟཝ་ད། །

ལས་གནམ་བསྐོས་གནམ་བསྐོས་ཟེར་རུང་། །ཨའེ་མ་པ་གཙོ་བོ་སེམས་ར་ཨིན་པས། །

ངེའི་སྦོ་ལོགས་སྦོ་ལོགས་ངེའི་རྩ་བར་རྩ་བར། །ངེའི་སེམས་ལས་ཐག་རིང་སར་ཡར་མ་སོང་། །

Majo Majo from Bardoi Namshey

༼མ་འགྱོ་མ་འགྱོ།༽

གློག་བརྙན། བར་དོའི་རྣམ་ཤིས།

མ་འགྱོ་མ་འགྱོ་ང་བཀོ་བཞག་སྦེ་མ་འགྱོ། །སྡོད་གནང་སྡོད་གནང་དུས་རྟག་བུ་ང་དང་ཆ་སྟེ་སྡོད་གནང། །

གཟུགས་མཐོང་ནི་མེད་པའི་བར་དོའི་གཡུས་ལུ། །སེམས་རྣམ་ཤེས་ང་རང་འཁོར་བར་འཁྱམ་ནི་མས། །

ང་དང་ཆ་སྡོད་གནང་སྡོད་གནང། །ང་དང་ཆ་སྡོད་གནང་སྡོད་གནང་མས། །

སེམས་བལ་ལས་ཡངམ་ལས་མ་འགྱོ་ཐབས་མིན་ནུག །ལུས་དམ་ཚིག་ལྕགས་ལས་བཙན་རུང་སྡོད་དབང་མེད། །

བར་ཆད་མ་བྱུང་ན། ལོག་འཕྱད་པའི་སྨོན་ལམ་བཏབ་དོ་སྨོ།

བར་ཆད་མ་བྱུང་ན། ལོག་འཕྱད་པའི་སྨོན་ལམ་བཏབ་དོ་སྨོ།

མ་སྔུ་མ་སྔུ་བུམོ་ཁྱོད་སྔུཝ་ད་ངེའི་སེམས། །མ་ཆགས་མ་ཆགས་བུང་དོན་ཧིང་ནང་ལུ་རྩ་ལས་མ་ཆགས། །

ལགཔ་གཡས་ལུ་གཟུང་པའི་རང་བ་གཅིག་ཡང་མིན་ནུག །གཉེན་འབད་རུང་འགོར་བའི་ཐབས་ཤེས་གཅིག་ཡང་མ་བྱུང། །ང་དང་ཆ་སྡོད་གནང་སྡོད་གནང། །ང་དང་ཆ་སྡོད་གནང་སྡོད་གནང་མས། །

ཁྱོད་བལྟ་བའི་མི་ཚེ་མཐའ་མ་ཨིན་མས་སྨོ། །ཕངམ་བཏབ་པའི་དགའ་སྤྲོ་མཐའ་མཇུག་ད་རིས་མས། །

མི་ཚེ་ཤུལ་མ་ཡང། གཉེན་གྲོགས་སྦེ་འཛོམས་པའི་སྨོན་ལམ་ཡོད།

མི་ཚེ་ཤུལ་མ་ཡང། གཉེན་གྲོགས་སྦེ་འཛོམས་པའི་སྨོན་ལམ་ཡོད།

Gachi Bay Ein Na Mo from Ninda Drakpa

༼ག་ཅི་འབད་ཨིན་ན་སྨོ༽

གློག་བརྙན། ཉི་ཟླ་གྲགས་པ།

གླུ་ཚིག་རྩོམ་མི།   གར་སརཔ་དམ་ཆོས་བསྟན་འཛིན།།

སློབ་དཔོན་གྱི་སྟོན་སྟོནམ་ཡང་མེན། །ཕ་མ་གི་བསླབ་བྱ་ཡ་མེན། །

བུ་ཚུ་ཁྱོད་ལུ་དགའ་ནི་འདི། །ནད་གཞི་ཅིག་རང་ཨིན་ན། །

གདོན་གྱིས་དཀྲུགསཔ་ཡང་མེན་ན། །དྲག་ནི་སངས་ནི་མིན་འདུག་སྨོ། །

གཏན་གཏན་ཅིག་ཤེས་ར་མ་ཚུགས། །

སེམས་ལུ་གཡང་ཟ་ནི་དང་། །གཟུག་ལས་ཚདཔ་འཐོན་ནི་ཚུ། །

ཁྱོད་ཀྱི་བརྩ་བར་ལྷོདཔ་ད་འབདཝ་མས། །བུམོ་ཁྱོད་ལྷ་དང་འདྲ་རུང་ར། །

ཁྱོད་ཀྱི་རྩ་བ་ལྷོདཔ་ད་ལུ། །སེམས་ལུ་འདྲོག་བྱེལ་ལང་སྟེ་འོངམ་མི། །

ག་ཅི་འབད་ཨིན་ན་སྨོ། །ག་ཅི་འབད་ཨིན་ན་སྨོ། །

མཐོང་ས་ཡོད་རུང་ལོག་ཅི་ལོག་ཅི་ར། །བལྟ་དགོ་མནོ་བའི་ན་ཟུག་ཕོགཔ་མི་འདི། །

ག་ཅི་འབད་ཨིན་ན་སྨོ། །རྟག་བུ་གནའ་བུ་ཁྱོད་ཀྱི་ཕངས་མར། །

ཧིང་གཏམ་བཤད་དེ་སྡོད་པའི། །གོ་སྐབ་མ་འཐོབ་རུ་ར་ཁེ་མེད། །

ང་གིས་ཁྱོད་ལུ་དགའ་ཟེར། །ཁྱོད་ཀྱིས་ཧ་གོན་བཏུབ་མས། །

རོགས་གཞན་ལས་ལྷབ་ལྷབ་ཡ་མེན། །ཁ་བདེཝ་གུ་ལྕེ་བཀལཝ་ཡང་མེན། །

བུ་ཚུ་ཁྱོད་ལུ་དགའ་ནི་འདི། །ནད་གཞི་ཅིག་རང་ཨིན་ན། །

གདོན་གྱིས་དཀྲུགསཔ་ཡང་མེན་ན། །དྲག་ནི་སངས་ནི་མིན་འདུག་སྨོ། །

གཏན་གཏན་ཅིག་ཤེས་ར་མ་ཚུགས། །

ཁྱོད་ལུ་ཧིང་གཏམ་བཤད་ནི་ཚུ། །ཁྲི་དང་འབུམ་སྦེ་མནོ་འདི་གིས། །

ཁྱོད་ཀྱི་རྩ་བ་ལྷོད་འདི་འབད་རུ། །ཨ་ཙ་ར་གི་སྤོབས་བཟུམ་ཅིག །

མེད་པའི་སྟབས་ཀྱིས་ཨིན་ན་སྨོ། །གོངམ་གྱི་སྐུ་མདུན་བཟུམ་སྦེ་འབད་མི། །

ག་ཅི་འབད་ཨིན་ན་སྨོ། །ག་ཅི་འབད་ཨིན་ན་སྨོ། །

Baakchha from Ninda Drakpa

༼བག་ཆགས༽

གློག་བརྙན། ཉི་ཟླ་གྲགས་པ།

གླུ་ཚིག་རྩོམ་མི། གར་སརཔ་དམ་ཆོས་བསྟན་འཛིན།།

ངེའི་སེམས་ཀྱི་སེམས་རྟེན་འབད་ཁྱོད་གདམ་ཁ་རྐྱབ་དཔ་ཨིནམ།།

ཁྱེད་གཡུས་མི་གདང་རས་ཁྱིམ་ཚང་ཚུ་གིས་མི་ཤེས།།

ངེ་ཧིང་གི་གདིང་ལས་ར་ཁྱོད་ལུ་ཕངས་པའི་སེམས་ཡོདཔ།།

ཁོང་གཡུས་མི་གདང་རས་ཁྱིམ་ཚང་ཚུ་གིས་མི་ཤེས།།

ང་བཅས་གཉིས་ཀུ་གཡིབ་ཅི་གཡིབ་ཅི་སྡོད་དགོ་རུང་།།

མི་ག་དང་ག་གིས་ཡང་བར་ན་དཀྲོག་མི་ཚུགས་མས།།

ཁྱོད་ཀྱི་ང་ལུ་དགའ་བའི་སེམས་ར་ཡོདན།།

བུམོ་ང་མི་གི་གདོང་ཁར་མ་སྟོན་པར།།

རོགས་ལས་གསང་སྟེ་གཡིབ་སྟེ་བཞག་ད་རུང་།།

ང་ལུ་སྣང་དག་བསྐྱེད་དགོཔ་རྩ་ལས་མེད།།

ངེའི་སེམས་ཀྱི་ཁྱོད་ལུ་ཧིང་ལས་རང་དགའ་མས།།

ཁྱོད་སེམས་ཁར་དྲན་ཚུགས་འབད་ག་ཚེ་ཧེ་མའི་བག་ཆགས།།

རྟེན་བཟང་པོའི་སྐུ་མདུན་ལུ་འབད་སྨོན་ལམ་བཏབ་མི་ཚུ།།

ཁྱོད་དཔྱད་རིག་བཏང་ཚུགས་འབད་ག་ཚེ་ཧེ་མའི་ལན་ཆགས།།

གཅིག་གིས་གཅིག་ལུ་ཁ་ཚིག་ལེ་ཤ་བཞག་མི་འདི་ཚུ།།

ང་བཅས་གཉིས་ཀྱིས་བར་ན་ལས་དང་གནམ་བསྐོས་འདི།།

ཚེ་རབས་གྱངས་ཁ་མེདཔ་ཅིག་བསྒང་ལས་རང་ཨིན་མས་ན།།

དཀོན་མཆོག་སྐྱབས་དང་ཐུགས་རྗེ་གཟིགས་གནང་ལགས།།

མི་ཚེ་འདི་ལུ་བར་ཆད་འབྱུང་མ་བཅུག།

བུ་ཁྱོད་མེད་པའི་འཛམ་གླིང་འདི་ནང་ལུ།།

བུམོ་ང་སྡོད་རུང་མི་ཚེ་སྟོང་ལོག་ཨིན།།

ངེའི་སེམས་ཀྱི་ཁྱོད་ལུ་ཧིང་ལས་རང་དགའ་མས།།

Nge Jarim Nge Sarim from Super Star

༼ངེའི་འཇའ་རིསམོ་ངེའི་གསར་རིསམོ༽

གླུ་ཚིག་རྩོམ་མི། དྲུང་ཚོ་ཤེས་རབ་རྡོ་རྗེ།

 གློག་བརྙན་་་་སུ་པར་ཨིས་ཊར།

ཁྱོད་གཟུགས་མིའི་ལུས་སུ་མ་སྐྱེས་བ་ཅིན། །གསར་རིསམོ་ཟེར་བའི་ཚིག་ཡང་མ་བྱུངམ་འོང་། །

ངེའི་གསར་རིསམོ། །ངེའི་གསར་རིསམོ། །ངེའི་གསར་རིསམོ། །ངེའི་གསར་རིསམོ།།

ཁྱོད་གཟུགས་མིའི་ལུས་སུ་མ་སྐྱེས་བ་ཅིན། །འཇའ་རིསམོ་ཟེར་བའི་ཚིག་ཡང་མ་བྱུངམ་འོང་། །

ངེའི་འཇའ་རིསམོ། །ངེའི་འཇའ་རིསམོ། །ངེའི་འཇའ་རིསམོ། །ངེའི་འཇའ་རིསམོ། །

སེམས་ཆགས་པའི་ཕྱག་རྒྱ། །སྭོ་ཡ་ལ་་ལེགས་པས་ས་གཡུག་ད་ས། །

སེམས་ཤོར་བའི་ཧིང་གཏམ། །སྭོ་ཡ་ལ་་ཧན་པས་ས་བཤད་ད་ས། །
ཕྱག་རྒྱ་གཡུག་ས་སྨན་ཆུང་བུམོ། །ཧིང་གཏམ་བཤད་ས་སྟག་ཤར་གཞོནམ། །

སྤང་མེ་ཏོག་ལེགས་པའི་སྦབ་ཅུང་འདི། །གནམ་སེར་ཁའི་དུས་ལུ་ཡལ་བར་ཕངས། །

ཁྱོད་སྨན་ཆུང་ལེགས་པའི་མེ་ཏོག་འདི། །གནམ་བྱཱར་དགུན་མེད་པར་ཤརཝ་མས་སྨོ། །
ཁྱོད་སྟག་ཤར་ལེགས་པའི་མེ་ཏོག་འདི། །གནམ་བྱཱར་དགུན་མེད་པར་ཤརཝ་མས་སྨོ། །

སྤང་མེ་ཏོག་ལེགས་པའི་སྦབ་ཅུང་འདི། །གནམ་སེར་ཁའི་དུས་ལུ་ཡལ་བར་ཕངས། །

ཁྱོད་སྟག་ཤར་ལེགས་པའི་མེ་ཏོག་འདི། །གནམ་བྱཱར་དགུན་མེད་པར་ཤརཝ་མས་སྨོ། །
ཁྱོད་སྨན་ཆུང་ལེགས་པའི་མེ་ཏོག་འདི། །གནམ་བྱཱར་དགུན་མེད་པར་ཤརཝ་མས་སྨོ། །

ཁྱོད་དང་འགྱོ་བའི་ལམ་ཁར་མ་ཕྱད་པ་ཅིན། །འཇིག་རྟེན་དགའ་བའི་དགའ་སྤྲོ་མ་ཚོར་འོང་། །
ཁྱོད་གཟུགས་བལྟ་བའི་མིག་ཁར་མ་མཐོང་པ་ཅིན། །ངེའི་སེམས་ཆགས་པའི་ན་ཟུག་མ་མྱོངམ་སྨོ། ། 
ངེའི་གསར་རིསམོ། །ངེའི་གསར་རིསམོ། །ངེའི་འཇའ་རིསམོ། །ངེའི་འཇའ་རིསམོ། །

སེམས་ཆགས་པའི་ཕྱག་རྒྱ། །སྭོ་ཡ་ལ་་ལེགས་པས་ས་གཡུག་ད་ས། །

སེམས་ཤོར་བའི་ཧིང་གཏམ། །སྭོ་ཡ་ལ་་ཧན་པས་ས་བཤད་ད་ས། །
ཕྱག་རྒྱ་གཡུག་ས་སྨན་ཆུང་བུམོ། །ཧིང་གཏམ་བཤད་ས་སྟག་ཤར་གཞོནམ། །

Ham Thae Thae from Nge Agay

༼ཧམ་ཐལ་ཐལ༽

གླུ་ཚིག་རྩོམ་མི། ཤར་ཀུ་ཀུ།

གློག་བརྙན། ངེའི་ཨ་རྒས།

 དགའ་བའི་སེམས་ཀྱི་ཆགས་པ་ཁྱོད་ལུ་ཆེ་རུང་།།

རྩུབ་པའི་གཏམ་གྱིས་ངེའི་སེམས་ཨའེ་བསད་དབ་མས།།
ཁྱོད་ཙིག་པའི་གདོང་གི་པར་གཞི་དེ་འབད་མ་བཏོན།།
བུམོ་ངེའི་སེམས་ཀྱི་ལྡེབ་རིས་ཚུ་སྤྱན་ཆབ་ཤོརཝ་མས།།

ཡར་ལྷའི་ཞིང་ཁམས་ཨའེ་བརྒྱ་སྟོང་གི་བཀོད་པ།།

ང་ལས་སྒྲིབ་དག་ནུག་བུམོ་ཁྱོད་གདོང་ལུ་མཇལ་ཡི།།

སེམས་ཆགས་པའི་དད་པ་ཡང་།།
བུམོ་ཁྱོད་ལུ་བསྐྱེད་ཡར་སོའི།།

ཚེ་འདི་གི་ཤུལ་མ་འབད་རུང་ར།།
ངེའི་སེམས་ཀྱི་ཁྱོད་རང་ཨིན།།

མ་ཤོརན་ཤོར་བའི་ངེའི་སེམས་འདི་སྨོ།།

བུ་ཁྱོད་ཀྱི་དགའ་འཛུམ་འདི་ལུ་ཤོར།།

མ་ཕངསན་ཕངས་པའི་བུམོ་ངེ་སེམས་འདི།།

བུ་ཁྱོད་ཀྱི་ཚེ་དང་སྲོག་ལུ་ཕངས།།

སྤངས་མ་ཚུགས་བུམོ་ཁྱོད།།

ངེའི་མིག་ཏོ་གིས་མཐོངམ་ད།།

སེམས་ཚ་གྱང་ལངམ་མས།།

ཁྱོད་ཐགས་རིང་ས་སྡོདཔ་ད།།

ཚེ་འདི་གི་གཉེན་གྲོགས་ཁྱོད་

ངེའི་སྲོག་གི་བདུད་རྩི་མས།།

ཁྱོད་མེད་ཐབས་མེདཔ་ཅིག་ཨིན་མས་ས།།

ང་ག་འགྱོ་ཁྱོད་ཀྱིས་འོང་གནང་མས།།

མ་འཕྱདན་ཕྱད་པའི་ངེའི་གཉེན་གྲོགས་ཁྱོད།།

ཁྱོད་མེད་པ་ང་ཡང་ཧམ་ཐེ་ཐེ།།

མ་སྡོདན་སྡོད་པའི་མི་ཚེ་ཐུང་ཀུ་ནང་།།

ཐང་ཆད་རུང་ཁྱོད་ཀྱི་སྒོ་ཁར་སྐྱིད།།

བརྩེ་བའི་སེམས་ཀྱི་ལྟག་ལྐོག་སྐྱོར་ས་ཡོད་རུང་།།
ཆགས་པའི་སྡིག་པ་ཁྱོད་ཀྱིས་ཨའེ་བསགས་བཅུགསཔ་མས།།
ཁྱོད་འཛམ་བུ་གླིང་ནང་མེད་པ་ཅིན་བུམོ་ང་ཡང་།།
ཚེ་གཅིག་གངས་ཁྲོད་རི་ཁྲོདཔ་འབད་སྡོད་གོ་ནི་མས།།

ཁྱོད་དེ་འབད་མ་སླབ་ངེའི་ལུས་སེམས་ཀྱི་དཔོན་མོ།།
དམ་ཚིག་གི་ཕྱག་མཇལ་ང་ག་ལུ་ཅིག་ཕུལ་ནི།།
ཁྱོད་བཟུམ་ཅིག་མེད་པ་ཅིན།།
ང་སྡོད་རུང་ཁུངས་ཅིག་མེད།།

ཁྱོད་ད་རང་སྡོད་ནི་ཡོད་པ་ཅིན།།
གནས་གདམ་ཁ་རྐྱབ་དགོཔ་མེད་ནི་མས།།